Xəbər Lenti

İnfoqrafika

Arxiv

Yazar

09 Oktyabr

2018
23:13
Azərbaycan çempionunu bıçaqlayan şəxsə cəza istənildi

Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Novruz Orduxanlının cinayət işi üzrə məhkəmə iclası davam etdirilib. 

Hakim Mayıl Bayramovun sədrliyi ilə keçirilən prosesdə prokuror çıxış edib.

O, N. Orduxanlının cəzasını ümumi rejimli cəzaçəkmə müəssisəsində çəkməklə, 7 il müddətinə azadlıqdan məhrum edilməsini istəyib. 

İttiham aktına görə, hadisə bu il mart ayının 21-də gecə Abşeron rayonunun Mehdiabad qəsəbəsində baş verib. Belə ki, 1989-cu il təvəllüdlü Səbuhi İsmayılov “Mehdiabad dairəsi” kimi tanınan ərazidə Novruz Orduxanlı ilə mübahisə edib. Şəxsi münasibətlər zəminində başlayan mübahisə daha sonra əlbəyaxa davaya çevrilib. Bu zaman Novruz S. İsmayılova bir neçə bıçaq zərbəsi vurub. Yaralının vəziyyəti ağır olduğundan o, 1 saylı Kliniki Tibbi Mərkəzə yerləşdirilib. 

Qeyd edək ki, S. İsmayılov “Fateh” klubunun üzvüdür. O, Taekvondo üzrə XXlll Respublika çempionatında 63 kiloqram çəki dərəcəsində birinci yeri tutub. 

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Taekvondo 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-12-2018 21:56



  (+994 55) 786-96-84

  [email protected]

Valyuta.com