Xəbər Lenti

İnfoqrafika

Arxiv

Yazar

05 Oktyabr

2018
12:57
Gənclərimiz Gürcüstanda iş təcrübəsi keçəcək

Gürcüstanın dövlət idarələrində iş təcrübəsi keçmək üçün milli azlıqları təmsil edən gənclər üçün növbəti proqram elan olunub.

Təcrübə proqramına “1+4” proqramı üzrə ali təhsil alan və ya təhsilini başa vurmuş azərbaycanlı, erməni, abxaz və osetin gənclər müraciət edə bilərlər.

Layihə Gürcüstanın barışıq və vətəndaş bərabərliyi məsələləri üzrə dövlət naziri Ketevan Tsixelaşvilinin təşəbbüsü, ABŞ-ın USAID təşkilatı və Gürcüstanın Birləşmiş Millətlər Assosiasiyasının dəstəyi ilə həyata keçiriləcək.

Təcrübə proqramı üzrə gənclərə mərkəzi və yerli dövlət qurumlarında 500 vakant yer təqdim olunacaq.

Müraciətlər oktyabrın 8-dən 22-dək qəbul olunacaq. Müsabiqə əsasında seçiləcək gənclər 1 aydan 6 aya qədər dövlət qurumları, yerli özünüidarətmə və publik hüquqi şəxs statusuna malik idarələrdə təcrübə keçə biləcəklər.

Təcrübə proqramının əsas məqsədi etnik azlıqlardan olan gənclərin məşğulluğu ilə bağlı perspektivlərin yaxşılaşdırılması, onların gələcək karyeralarına töhfə vermək və milli azlıqların vətəndaş cəmiyyətinə inteqrasiyasına dəstəyin göstərilməsidir.(report.az)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : iş təcrübəsi 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-10-2018 08:32



  (+994 70) 870-47-49       (+994 55) 786-96-84

  [email protected]

Valyuta.com