Xəbər Lenti

İnfoqrafika

Arxiv

Yazar

04 Oktyabr

2018
11:10
`Aptekdə adi içməli su satılsa, ora market olar`

Respublikada fəaliyyət göstərən apteklərdə qablaşdırılmış içməli su satılmır. Bu isə müxtəlif növ dərmanları, ağrıkəsiciləri, həbləri qəbul edib, istifadə edən vətəndaşlar arasında narazılıq yaradır. Xüsusilə, sosial şəbəkələrdə müşahidələrimiz göstərir ki, insanlar dərman qəbul etmək üçün apteklərdə kiçik ölçüdə olan içməli suyun satılmasının tərəfdarıdır.

Qanunvericilikdə müəyyən olunan tələblərə görə, aptekin əsas vəzifəsi əhaliyə və müalicə-prоfilaktik müəssisələrinə həkim resepti əsasında hazırlanmış, hazır dərman vasitələrini, eləcə də dərman bitkilərini, uşaq və dietik qida məhsullаrını, müalicəvi mineral sularını, kosmetik vasitələrini, optika ləvazimatlarını və sаir аnаlоji mаllаrı pərаkəndə ticаrət qаydаsındа satmaqdır.

Bu barədə Modern.az-a danışan Milli Məclisin Səhiyyə komitəsinin sədr müavini Musa Quliyev isə apteklərdə adi içməli suyun satılmasını müzakirə olunmalı məsələ hesab etmir. Deputatın fikrincə, bununla bağlı Milli Məclisdə məsələ qaldırmağa da ehtiyac yoxdur:

“Apteklərdə müalicəvi vasitələr və dərmanlar satılır. Əgər aptekdə adi içməli su satılsa, artıq aptek yox, market olar.  Ona görə, müalicəvi mineral sulara icazə olsa da, adi suların aptekdə satılmasına yol verilmir.

Mütləqdir ki, insanlar aldığı dərmanı aptekdə qəbul etsin? Bu az rast gəlinən tələbatdır. Onsuz da, demək olar, hər küçədə martket və ya köşk var”-deyə o bildirib.

Musa Quliyev qeyd edib ki, vətəndaşlar dərmanı aptekdən alıb, içmək üçün suyu isə ətrafdakı müvafiq obyektlərdən əldə edərək, problemi aradan qaldıra bilərlər.

“Amma xüsusilə qeyd etmək istəyirəm ki, hər hansı şəxs, yaşlı insan dərman içmək üçün aptekdən bir stəkan su xahiş edirsə, aptek işçiləri mütləq su verirlər. Ona görə, narahatlığa əsas yoxdur”.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Aptek 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-11-2018 23:34



  (+994 55) 786-96-84

  [email protected]

Valyuta.com