FaktXeber.com-un verdiyi məlumata görə, Hesablama Palatasında keçirilən kollegiya iclasında “Azərbaycan Respublikasının 2012-ci il dövlət büdcəsi haqqında” Qanunda dəyişikliklər edilməsi barədə” qanun layihəsinə palatanın rəyi müzakirə edilib.Palatadan verilən məlumata görə, Hesablama Palatasının Rəyi “Hesablama Palatası haqqında” Azərbaycan Respublikası Qanununun 2-ci və Hesablama Palatasının Daxili Nizamnaməsinin 12-ci maddəsinin tələblərinə uyğun hazırlanıb, rəydə əsas diqqət bu ilin ötən dövrü ərzində ölkə iqtisadiyyatını xarakterizə edən makroiqtisadi göstəricilərin və ona təsir edən amillərin təhlilinə, 2012-ci il dövlət büdcəsinin gəlir və xərc parametrlərinin dürüstləşdirilməsini zəruri edən amillərin araşdırılmasına yönəldilmiş, dövlət büdcəsinin gəlirləri üzrə təklif edilmiş dəyişikliklər vergi mənbələri və tədiyə növləri üzrə araşdırılıb, xərclər üzrə dəyişikliklər isə funksional və iqtisadi təsnifatın bölmələri və köməkçi bölmələri səviyyəsində təhlil olunub, həmçinin böyük həcmdə daxil olan maliyyə resurslarından daha səmərəli və məhsuldar istifadənin təmin edilməsi, onların ilk növbədə daha böyük əhəmiyyət daşıyan sosial-iqtisadi məsələlərin həllinə yönəldilməsi barədə Hesablama Palatanın qənaəti əks etdirilib.

Rəy kollegiya iclasında geniş müzakirə edilərək təsdiq edilib, Hesablama Palatası tərəfindən “Azərbaycan Respublikasının 2012-ci il dövlət büdcəsi haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanun layihəsinin Azərbaycan Respublikasının Milli Məclisində müzakirəyə təqdim olunması barədə qərar qəbul edilib.

Nicat Xaliqoğlu