Xəbər Lenti

İnfoqrafika

Arxiv

Yazar

28 Sentyabr

2018
11:59
Eldar Əzizov Bakıya yağan leysanın fəsadlarından DANIŞDI

Bakı Şəhər İcra Hakimiyyəti (BŞİH) başçısının müavini, faktiki olaraq mer vəzifəsini icra edən Eldar Əzizov sentyabrın 23-də 40 dəqiqə ərzində Bakını gölə çevirən leysan xarakterli yağışın törətdiyi fəsadlarla bağlı açıqlama verib.

Eldar Əzizov Modern.az-a açıqlamasında bildirib ki, sentyabrın 23-də yağan yağış müəyyən mənada lokal xarakterli təbii fəlakətdir:

“Həmin vaxt Bakı Şəhər İcra Hakimiyyəti tərəfindən də açıqlama verildi. 45 dəqiqə ərzində bir aylığın 122 faiz norması yağış yağıb. Zəif yerləri də müəyyən etdik, artıq tapşırıq verilib. Komissiya bu cür problemlərin yaşanma ehtimalı yüksək olan ərazilərdə araşdırma aparır. Çalışırıq və istəyimiz odur ki, gələcəkdə bu cür vəziyyətdən özümüzü sığortalayaq”.

Eldar Əzizov şəhərin mərkəzindəki ərazilərin satılaraq, yerində çoxmərtəbəli binaların tikilməsinin bu problemi daha da artırdığı barədə deyilənlərə də münasibət bildirib.

“Gəlin tələsməyək, komissiya yaradılıb, səbəbləri araşdırırlar. Yekun rəylə bağlı rəsmi açıqlama olacaq. Hadisələri qabaqlayıb məsələnin nədən ibarət olduğunu demək olmaz. Amma məlumdur ki, Almaniyada və digər Avropa ölkələrində də bu cür hadisələr baş verir. Ona görə biz səbəblərin obyektiv və subyektiv tərəflərini ayırmalıyıq. Hadisənin belə olma səbəbini aydınlaşdırmalıyıq və gələcəkdə belə hadisələrdən özümüzü sığortalamalıyıq”.

Eldar Əzizovun saytımızın “Bu kimi hallardan sığortalana biləcəyikmi” sualına cavabı belə olub:

“Tam həcmdə olmasa da, müəyyən mənada bunu etmək mümkündür”.

E.Əzizov Meriyanın hadisə ilə bağlı açıqlamasında “Azərsu” ASC-nin kollektorları gec işə salması ilə bağlı ittihamına da aydınlıq gətirib:

“Burada komissiyanın rəyi daha əhəmiyyətlidir. Məsələdə “Azərsu”, yaxud digər strukturların müəyyən payları ola bilər. Amma yekun nəticə üçün komissiyanın rəyini gözləməliyik. Qabaqlayıb yalnış məlumat verə bilmərəm”.

Qeyd edək ki, sentyabrın 23-də paytaxta yağan leysan yağışı Ziya Bünyadov prospektinin Əhməd Rəcəbli küçəsi ilə kəsişməsində, Əhməd Rəcəbli küçəsində, Bakıxanov küçəsinin Səməd Vurğun küçəsi ilə kəsişməsindən Rəşid Behbudov küçəsi ilə kəsişməsinədək olan hissəsində (bu hissədə hərəkət tam dayandırılıb), Neftçilər prospekti - Dəniz vağzalı istiqamətində nəqliyyatın hərəkətini iflic edib. “7A” və “7B” müntəzəm avtobus marşrutlarının içərisinə su dolduğundan bir neçə nəqliyyat vesitəsində etxniki nasazlıq yaranıb. Nəticədə onlarla sərnişin yağışın altında gözləməli olub.

Ekologiya və Təbii Sərvətlər Nazirliyinin yaydığı məlumata görə, yağış Bakıda 21 mm (aylıq normanın 122 %-i) (norma 17.2 mm), Oğuzda 31.0 mm(aylıq normanın 42 %-i) (norma 73.7 mm), Qəbələdə 28.0 mm (aylıq normanın 36%-i) (norma 78.5 mm), Kişçayda (Şəki) 27.0 mm (aylıq normanın 41 %-i) (norma 68.1mm), Ordubadda 22.0 mm (aylıq normanın 175 %-i) (norma 12.6 mm), Mingəçevirdə 15.0 mm (aylıq normanın 60%-i) (norma 12.6 mm) olub.

Məqalədə : Eldar Əzizov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
67379

Növbəti buraxılış imtahanları başlayıb

25

İyun
10:59
ELM / TƏHSİL
64832

AMB-nin valyuta məzənnələri

23

İyun
10:11
İQTİSADİYYAT
66651

Nefti qiyməti bahalaşmağa başlayıb

23

İyun
09:30
İQTİSADİYYAT
65920

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
71563

QMİ yaslarla bağlı xəbərdarlıq etdi

19

İyun
18:10
ÖLKƏ
65763

İyunun 22-də dolların manata qarşı məzənnəsi

19

İyun
17:55
İQTİSADİYYAT
66112
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-02-2021 01:53





  [email protected]

Valyuta.com

Рейтинг@Mail.ru