Xəbər Lenti

İnfoqrafika

Arxiv

Yazar

24 Sentyabr

2018
16:18
Vətəndaşlar iş tapmaqda çətinlik çəkir - DEPUTAT

“Cənab Prezidentin tapşırığı ilə 10 minlərlə iş yeri açılır. Ancaq digər tərəfdən vətəndaş iş tapa bilmir. Vətəndaşın iş tapması ilə bağlı xeyli problemlər var. Nazirlə deputatın fərqi ondadır ki, deputat insanları narahat edən hər bir məsələni qaldıra bilər. Biz daim bu məsələni qabartmalıyıq. Bunu etməklə hökuməti də arxayın oturmağa qoymamalıyıq”.

Bunu Milli Məclisin Əmək və sosial siyasət komitəsinin üzvü Musa Quliyev deyib. 

Deputat bildirib ki, əmək və əhalinin sosial müdafiəsi naziri Sahil Babayevin rəhbərliyi və prezidentin tapşırığı ilə qurumda çox ciddi islahatlar aparılır.

“Korrupsiya, süründürməçilik hallarının sayı azaldılır. Ancaq bununla yanaşı, problemlər də çoxdur”. 

Deputat həmçinin qeyd edib ki, keçmiş əmək və əhalinin sosial müdafiəsi naziri Səlim Müslümovun zamanında olan əlilliyin təyin edilməsi üçün həkimlərin əyani ekspertizası ləğv olunub. 

“Bu, çox böyük bir səhv idi. Yalnız bir diaqnoz əsasında qərar vermək mümkün deyil. Biz Almaniyanın təcrübəsini götütürük. Amma Almaniyanın sistemi bizdə tətbiq olunmayıb axı. Bu məsələyə növbəti iclaslarda yenidən qayıdacağam”.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Vətəndaşlar 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-12-2018 01:20



  (+994 55) 786-96-84

  [email protected]

Valyuta.com