İslam dininin buyurduqlarını yerinə yetirməmək üçün həm özümüzü, həm də ətrafımızı aldatmaq üçün ağlımız çatan hər cür hiyləgərliyə can atırıq. Amma Allahın açıq-aydın əmr və dəlilləri qarşısında kor, kar və dilsizik. Allahın bütün xəbərdarlıqlarına baxmayaraq, şeytanın yolu ilə gedirik. İnsan olaraq bizi Yaradana özümüzü bəyəndirmək əvəzinə, Allahdan başqa hər kəsə özümüzü bəyəndirmək dalıyca düşmüşük. 

36- AĞLIM VƏ MƏNTİQİM MƏNƏ KİFAYƏTDİR

İstər təhsil məqsədilə, istərsə də həyat tərzində müəyyən nailiyyətlər əldə etmək, mədəniyyətli olmaq üçün ömrümüz boyu təbii olaraq bir çox kitab oxuyuruq. İstəyərək, ya da məcburiyyət qarşısında onlarla, yüzlərlə kitab oxumasına baxmayaraq, ilahi müsajlardan xəbərsiz insanlar kifayət qədərdir.

İllərlə dərin araşdırmalar aparmış, saysız-hesabsız kitab, məqalə oxumuş, ya da dərc etdirmiş bəzi elm adamları var. Amma eyni insanlar həyatları boyu bir dəfə də olsun açıb, "Rəbbimin mənə göndərdiyi mesaj nədir", - deyə ilahi kəlamı oxumayıb. Sanki hər kəsin buna ehtiyacı var, amma onun ehtiyacı yoxdur ilahi xəbərdarlıq və kodlara.

Allahın varlığına müəyyən mənada inanan, amma bu inancının tələbini yerinə yetirməyə ehtiyac duymayan belə insanlar gündəlik həyatlarında Allaha ehtiyac hiss etmədiklərinə inanırlar. Çünki bu anlayışda olan insanlar hesab edirlər ki, sahib olduqları hər şeyi öz bilik və bacarıqları sayəsində əldə ediblər. Amma Qurani-Kərimdə belə deyilmir:

"Malik olduğunuz hər bir nemət Allah tərəfindəndir. Həmçinin sizə bir zərər-ziyan yetişən zaman Ona yalvarır və Ondan kömək diləyirsiniz." ("Nəhl" surəsi, ayə 53)

Buradan belə görünür ki, insan özünü aldatmağı bir kənaraq qoyaraq imtahanı qaydalarına uyğun şəkildə keçməsi lazım olduğunu unutmamalıdır. Həqiqi bəndə özünü böyük görməkdən çəkinən, hər cür şirk zəncirini parçalayan və özünü yalnız Allaha bağlayandır. 

"Ey insan, səni kərim olan Rəbbinə qarşı məğrur edən nədir?! O Allah ki, səni yaratdı və bədəninin üzvlərini düzəltdi və nizamladı və qaydaya saldı və sahmanladı. İstədiyi şəkildə (üzvlərin xüsusiyyətləri və bütünlüyü baxımından) sənə quruluş verdi. Belə deyildir (siz təkcə Allahın kərəminə qarşı məğrurluq etməklə qalmırsınız) əslində siz "Cəza" gününü təkzib edirsiniz. Və əlbəttə, sizin üstünüzdə gözətçilər vardır. Şərəfli yazanlar. Onlar sizin nə etdiklərinizi (zahir və batini, ixlası və riyanı, kamal və nöqsan dərəcələrini) bilirlər." ("İnfitar" surəsi, ayə 6-12)