Qəzzadakı Səhiyyə Nazirliyi sözçüsü Əşrəf Kudra yazılı açıqlamasında, "yanacaq böhranının davam etməsi qarşısında Qəzza zolağındakı xəstəxanalarda generatorların dayanması an məsələsidir. Müxtəlif qurumlardan indiyə qədər bir cavab ala bilməmişik", - deyə bildirib.

FaktXəbər bildirir ki, Nazirlik 4 sentyabr tarixində verdiyi bəyanatda da Qəzza zolağında generatorların işləməsi üçün lazım olan yanacağın tükənməsi görə xəstəxana və sağlamlıq mərkəzlərinin fəaliyyətində böhran yaranacağı xəbərdarlığını etmişdi.

Səhiyyə Nazirliyi yanacaq böhranında ən çətin mərhələyə çatdıqlarını, müvafiq orqanların böhranı aşmaq üçün hər hansı zəmanət verməməsi və yetərli yanacağın olmaması səbəbindən sabahdan 5 sentyabrdan başlayaraq xəstəxanalar və tibb mərkəzlərinin fəaliyyəti mövzusunda kritik durum yanacağını bildirilmişdi.

Nazirliyin məlumatlarına görə, bölgədə təxminən iki milyon nəfərə xidmət göstərən 13 xəstəxana və 54 səhiyyə mərkəzi var.

Qəzzadakı xəstəxanalar gündə 8-12 saat arasında elektrikin verilməməsi halında generatorları işlətmək üçün aylıq 450 min litr, 20 saata çatan elektrik fasilələrinin baş verməsi halında da 950 min litr yanacağa ehtiyac duyur.

Qəzzada İsrail blokadasının başladığı 2006-cı ildən bu yana enerji təminatında böyük çətinliklər yaşanır. Regionun 600 meqavat elektrikə ehtiyacı var, ancaq bunun yalnız 210 meqavatı təmin edilir.