Xəbər Lenti

İnfoqrafika

Arxiv

Yazar

30 Avqust

2018
15:41
Tibb Universitetində çənə sümüyünə damaqdan transplant qoyuldu

Azərbaycan Tibb Universitetinin (ATU) Tədris Cərrahiyyə Klinikasında xəstənin çənə sümüyündəki defekt qalça damağından götürülmüş transplantatla aradan qaldırılıb.

Universitetin mətbuat xidmətindən FaktXəbər-ə verilən məlumata görə, əməliyyatın təfərrüatları haqqında klinikanın ağız və üz çənə cərrahiyyəsi şöbəsinin müdiri Məhəmməd Davudov danışıb.

M.Davudov bildirir ki, xəstə altı il əvvəl ağız boşluğundakı törəmədən əməliyyat olunub. Cərrahi müdaxilədən sonra xəstə kompleks müalicə alsa da, onun ağzında yenidən şiş yaranıb. İkinci dəfə Gürcüstanda əməliyyat olunan xanımın çənə ətraf yumşaq toxumalarla birgə geniş şəkildə götürülüb: “Xəstə əməliyyatdan sonra əsasən ağızda və çənədə qalan estetik qüsurdan şikayət edirdi. Kompüter tomoqrafiyası nəticəsində beş santimetrlik sümük defekti, yumşaq toxumalardakı batıqlıq aşkar olundu. Odur ki, çənə sümüyündəki defektin qalça damağından götürülmüş transplantat qraft vasitəsilə aradan qaldırılması planlaşdırıldı. Eyni zamanda yumşaq toxuma batıqlığını isə ayrı qalça nahiyəsində piy toxuması transplantatla aradan qaldırılması nəzərdə tutuldu. İcra etdiyimiz əməliyyat sayəsində hər iki defekt aradan qaldırıldı”.

M.Davudov bildirir ki, xəstə əməliyyatdan artıq iki gün sonra ayağa qalxıb. İndi onun vəziyyəti yaxşı olaraq qiymətləndirilir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-12-2018 17:19



  (+994 55) 786-96-84

  [email protected]

Valyuta.com