Facebook rəhbərliyi Myanma ordusuna aid rəsmi hesabları bağlayıb. FaktXəbər bildirir ki, buna səbəb müsəlmanların kütləvi qətlə yetirildiyi Arakandakı hadisələri qızışdıracaq çıxışlar edilməsi və yanlış məlumatların bu səhifələrlə yayılmasdır.

Qeyd edək ki, Facebook Myanmada ordunun ən çox istifadə etdiyi sosial şəbəkədir.

BMT Myanmada ordu və radikal buddistlərin arakanlı müsəlmanlara qarşı cinayət, təcavüz, işgəncə və özbaşına həbs, o cümlədən insan hüququ pozuntularına yol verməsini rəsmən tanıyıb. Təşkilat həmçinin Myanmanın baş komandanı və beş generalının törətdiyi cinayətlər səbəbindən mühakimə olunmasını vacib sayıb.