
FaktXeber.com-un məlumatına görə, "Bakı Metropoliteni" QSC qatarlarının maşinisti peşəsi üzrə namizədlərin seçimi sahəyə maraq göstərənlərin sualları ümumiləşdirərək, bəzi məsələlərə bir daha aydınlıq gətirmək qərarına gəlib.
Maşinist hazırlığına yanaşmada nə dəyişir?
Sirr deyil ki, hərəkət qatarlarının maşinisti peşəsi çəkisinə görə metropolitendə özünəməxsus yer tutur. Elə bu səbəbdən "Bakı Metropoliteni" QSC rəhbərliyinin bu peşə ilə bağlı verdiyi növbəti qərar daha bir inqilabi yenilik kimi diqqət çəkəcək.
Artıq maşinist peşəsinə yiyələnmək sadələşərək asanlaşır. Ən əsası, maşinistlik arzusunda olanların qarşısındakı sədlər, tarixən formalaşmış və artıq günün nəbzini tutmayan süni maneələr tamamilə aradan götürülür və ixtisaslı kadr kütləsinə daha geniş meydan açılır.
Buna qədər qatar maşinisti olmaq üçün müvafiq peşə təhsili almaq, daha sonra metropolitendə işə düzələrək lokomotiv təsərrüfatı sahəsində, ən azı, bir il ərzində çilingər işləmək, daha sonra müvafiq kurslara cəlb edilməklə imtahan vermək tələb olunurdu. Lakin artıq bu qaydalara tamamilə yeni baxış gətirilir, dünya təcrübəsinin də verdiyi örnəklər əsasında, "Bakı Metropoliteni" QSC-nin nəzdində yeni tipli qatar maşinistinin hazırlanması prosesi təşkil edilir.
Məqsəd nədir?
Bu addımlar dövrün, zamanın tələbidir. Məlumdur ki, Azərbaycan Respublikasının Prezidenti cənab İlham Əliyev metropolitenin müasir tipli yeni nəsil, 4-cü təhlükəsizlik sinfinə aid qatarların gətirilməsi vəzifəsini qoyub. 2015-ci ildən bu yana vaqon parkının yenilənməsində yalnız bu istiqamət əsas götürülüb. Hazırda metropolitenin vaqon parkında 5 hərəkət tərkibini təşkil edən 25 belə vaqon var. Gələcəkdə vaqon parkının yeniləşməsi məhz bu qaydada aparılacaq. Bu vaqonlar tam elektronlaşdırılmaqla informasiya-kommunikasiya texnologiyalarının ən müasir sistemləri ilə təchiz edilib. Onların idarə olunması yeni tipli kadrların hazırlanmasını tələb edir. Bu kadrlar iş prinsipləri, peşəyə münasibəti, düşüncə tərzi ilə fərqlənməlidirlər. Yeni qatarlar həmçinin nasazlıq və digər bənzər halların da müəyyən edilməsində maşinistin ən yaxın köməkçisinə çevrilir, onun doğru qərar verməsini təmin edir və bir çox hallarda sığortalayır. Dövrün tələblərinə uyğun yeni tipli maşinistlərin hazırlanması bu zərurətdən irəli gəlir.
Yeniliklərin mahiyyəti nədən ibarətdir?
Birincisi, qeyd etdiyimiz kimi, bu sahəyə marağı olanların əhatə dairəsi genişlənir. Təkcə müvafiq ali və orta ixtisas təhsili olanlar deyil, ümumiyyətlə, ali və orta texniki təhsillilər, həmçinin ilk peşə ixtisasına malik olanlar müsabiqədə iştirak edə bilərlər.
İkincisi, birbaşa maşinistlik peşəsinə yiyələnmək üçün açılan bu yol, təkcə kişilərə deyil, həm də zərif cinsin nümayəndələrinə – qadınlara da verilən mühüm bir şans, bu peşəyə sahib olmaq üçün gender bərabərliyinin təmin edilməsinə, onların marağının artmasına bir töhfədir.
Üçüncüsü, "Bakı Metropoliteni" QSC rəhbərliyinin bu məsələyə nə qədər əhəmiyyət verməsinin, ona ciddi yanaşmasının daha bir göstəricisi təlimlərin ardıcıllığı və xüsusi təlim proqramı olan tədris prosesinə çevrilməsidir. Bu, marağı artırmaqla yanaşı, maşinist peşəsinə yiyələnmək istəyənlərə bütün diqqətini, bilik və bacarığını məhz bu istiqamətə kökləməsinə, öz məqsədi uğrunda səylə çalışıb şərait yaradacaq.
Dördüncüsü, bu təlimlərin məhsuldar və faydalı olmasını təmin edəcək əsas göstərici tədris prosesinin canlı olmasını təmin edən praktiki məşğələlərdir. Tədris proqramı təkcə nəzəri məşğələlərdən ibarət olmayacaq. Müdavimlər qatarın idarə olunması prosesində iştirak etməklə, Bakı metropoliteni tunellərinin xüsusiyyətini öyrənəcək, təlimatların praktiki tətbiqini müşahidə edəcək, qatara qulluq, texniki baxış və digər istismar incəliklərini öyrənəcəklər. "Nərimanov" elektrik deposunda quraşdırılmış qatar maşinistinin trenajoru isə peşəni tam mənimsəmək üçün ən əyani vəsait, müntəxabat rolunu oynayacaq.
Necə müraciət etmək olar?
Namizədlər "Bakı Metropoliteni" QSC-də işə düzəlmək kimi son dövrlərin ən əhəmiyyətli yeniliklərindən biri olan qaydadan istifadə etməlidirlər. Onlar müəssisənin rəsmi internet saytında (metro.gov.az) ərizə formasını elektron qaydada doldurmalıdırlar. Bunun üçün saytın “Karyera və əməkdaşlıq” bölməsinə daxil olmaq və “Bizdə iş” yarımbölməsində elektron müraciət formasından istifadə etməlidirlər. Bu zaman iddia etdiyiniz peşə kimi “maşinist” bəndi mütləq şəkildə göstərilməlidir ki, sistemdə məhz qatar maşinistinin hazırlanması prosesində iştirak etmək istəyiniz qeydə alınsın. Ərizənin doğru doldurulduğunu sonda yaşıl rəngdə təsdiq işığının yanması göstərir.
Seçim necə aparılacaq?
Namizədlər arasından seçim əvvəlcə müsahibə yolu ilə ümumi biliklərin yoxlanılması və peşə seçiminin səbəbləri araşdırılaraq aparılacaq. Bu peşəyə namizədlərin potensial imkanları bununla qiymətləndiriləcək. Peşənin məsuliyyəti və bir sıra xarakterik xüsusiyyətləri nəzərə alınaraq, psixoloji testlərin keçirilməsi də nəzərdə tutulub. Bu zaman namizədin müxtəlif vəziyyətlərdə doğru qərarı vermək, reaksiyası bacarığı yoxlanılacaq.
Bu mərhələləri uğurla keçənlər müvafiq tibbi yoxlamadan sonra tədris prosesinə qatılmaq hüququ əldə edəcəklər.
Təlimlərin müddəti və davamiyyəti nə qədər olacaq?
Təlim prosesinin tədris proqramı metodiki vəsaitlərin pedaqoji tələblərinə tam uyğun ardıcıllıqla mərhələlər üzrə tərtib olunub. Proqram nəzəri və praktiki hissələrdən ibarət olmaqla, 5 ay davam edəcək. Hər mərhələdə imtahanlar keçiriləcək və uyğun gələn namizədlər təlimlərdə biliklərini artırmaq şansı qazanacaq.
Elektron ərizələr 10 avqust 2018-ci il tarixinə qədər qəbul edilir. Təlim prosesinin sentyabr ayında başlanması nəzərdə tutulub.

Azərbaycanda vəzifəli şəxsin cinayət başında yaxalanma görüntüləri - ANBAAN VİDEO
25
İyun
Səudiyyə şahzadəsinin qonaqlığında: 39 vanna otağı olan Los Angelesdəki villa - FOTO
25
İyun
Dövlət qulluğuna qəbulla bağlı müsahibələrdə iştirak üçün qeydiyyat müddəti uzadıldı
25
İyun
Bakı xəstəxanasından: "Rentgenə baxırsan, pasiyentin ağciyərləri, sadəcə, yoxdur" - FOTO
25
İyun25-06-2020 09:51 Bakı metrosunun 29 əməkdaşı koronavirusa yoluxdu, 1 nəfər öldü
18-06-2020 10:57 Bakı metrosunda sərnişinlər üçün YENİLİK
17-06-2020 10:28 Bakı metrosunun xidmət rəisi qəfildən ölüb
08-06-2020 11:30 Bakı metrosuna daha 4 yeni qatar gətirildi
02-06-2020 17:05 Metropolitendən qatarlarda kondisionerlərin qoşulması ilə bağlı AÇIQLAMA
02-06-2020 16:58 DİN metrodakı hadisə ilə bağlı açıqlama verdi
- 25-06-2020 09:51 Bakı metrosunun 29 əməkdaşı koronavirusa yoluxdu, 1 nəfər öldü
- 19-06-2020 12:02 Badamdar yamacında sürüşmənin qarşısını almaq üçün tədbirlərə başlanıb
- 19-06-2020 10:34 Fərqlənmə nişanı yalnız hüquqi şəxslərə verilir - BNA
- 19-06-2020 10:25 Azərbaycanda bütün qatarlarda “WiFi” olacaq
- 19-06-2020 09:41 BŞİH-dən xəbərdarlıq: Küçələr güclü kimyəvi maddələrlə dezinfeksiya olunacaq
- 18-06-2020 10:57 Bakı metrosunda sərnişinlər üçün YENİLİK
- 18-06-2020 10:44 BTQ ilə yeni növ yüklərin nəqlinə başlandı
- 17-06-2020 12:00 Taksidən istifadə edən şəxsin ön oturacaqda əyləşməsi məsləhət görülmür
- 17-06-2020 11:16 Hacıqabul-Muğan avtomobil yolu yenidən qurulur
- 17-06-2020 10:36 Sabahdan Bakı-Naxçıvan reysi üzrə uçuşlar bərpa olunur
- 16-06-2020 12:00 Salyanda yol tikintisinə 5.6 milyon manat ayrılıb
- 13-06-2020 14:25 Bakıdan rayonlara avtomobillərin buraxılmaması böyük tıxac yaratdı
- 12-06-2020 17:56 Xüsusi karantin rejimi tətbiq olunan rayonlardan keçərkən avtomobili saxlamaq qadağandır
- 12-06-2020 17:51 Sərt karantin tətbiq edilən rayonlardan keçmək mümkün olacaq
- 12-06-2020 17:29 DYP: İcazə portalında adı olanlar avtomobillərində ailə üzvlərini gəzdirməməlidir
- 12-06-2020 16:49 Bakı-Sumqayıt istiqamətində xəttə əlavə avtobuslar verildi
- 12-06-2020 15:51 Ekspres xətlər bağlanır: Avtobuslar isə yenidən sərnişinlərin xidmətində olacaq
- 12-06-2020 15:26 Dəmir yolu qatarlarında kondisionerlər işləyəcəkmi?
- 11-06-2020 18:00 Naxçıvana uçuşların vaxtı açıqlandı
- 11-06-2020 17:53 İyulun 1-dək beynəlxalq uçuşlar qadağandır - RƏSMİ
- 11-06-2020 17:23 Hava nəqliyyatı ilə sərnişin daşımalarının təşkili üzrə müvəqqəti qaydalar təsdiqləndi
- 11-06-2020 17:15 BNA: “BakuBus”-a həvalə olunan digər xətlər üzrə də dəyişikliklər olacaq
- 11-06-2020 15:09 “Xanoba” və “Samur” sərhəd-keçid məntəqələri arasındakı avtomobil yolu genişləndirilir
- 11-06-2020 14:19 Bakı-Sumqayıt elektrik qatarları iki gün hərəkətdə olmayacaq
- 11-06-2020 12:16 Prezident Binəqədinin yolları ilə bağlı sərəncam verdi