Xəbər Lenti

İnfoqrafika

Arxiv

Yazar

23 İyul

2018
10:50
Ermənistan Rusiya ilə hərbi ittifaqı pozur

Rusiya Federasiyasının Ermənistandakı sərhəd qoşunlarının statusu təkrar gözdən keçiriləcək.

Belə sensasiyalı bəyanatla bazar günü Ermənistanın yeni müdafiə naziri David Tonoyan çıxış edib.

"Bunlar daşda yonulmuş sənədlər deyil və vaxt ötdükcə problemlər yaranır, hansılar ki, hüquqi və müqavilə dəyişiklikləri tələb edir. Və bu, əlbəttə, ediləcək", — deyə David Tonoyan Yerevanda jurnalistləri əmin edib.

Nazir Tonoyan Rusiya Federasiyasının Ermənistandakı sərhəd qoşunlarının statusuna, hansı ki, 1992-ci ilin yanvarında, SSRİ-nin dağılmasından və Ermənistanın müstəqillik bəyannaməsi qəbul etməsindən sonra imzalanıb, konkret nə kimi dəyişikliklərin ediləcəyini dəqiqləşdirməyib. Amma izah edib ki, Şirak əyalətinin Panik kəndində Rusiya hərbi qulluqçularının iştirakı ilə bu yaxınlardakı hadisə dəyişiklikləri sürətləndirə bilər.

Xatırladaq ki, ötən çərşənbə axşamı Rusiyanın Gümrüdə dislokasiya olunmuş 102-ci hərbi bazasının hərbçiləri texnika və canlı qüvvə ilə Şirak bölgəsinin Panik kəndinə daxil olaraq, orada atəş açıb, qumbara atıb və s. hərbi hazırlıq əməliyyatları keçiriblər. Bu yerli əhali arasında ciddi təşvişə səbəb olub və narazılıq doğurub.

Rusiya qəzeti “Kommersant” qeyd edir ki, Rusiya Federasiyasının Ermənistandakı sərhəd qoşunlarının statusuna yenidən baxılması haqda müdafiə naziri David Tonoyanın bəyanatı bu ölkənin müstəqilliyinin ilk illərindən bəri respublikada olan Rusiya hərbçilərinin ünvanına səslənən ən sərt fikirdir./Virtualaz

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : David Tonoyan Ermənistan Rusiya 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


12-12-2018 09:07



  (+994 55) 786-96-84

  [email protected]

Valyuta.com