`Akkord` korporasiyası kapitalının 2/3 hissəsini itirib

Xəbər Lenti

İnfoqrafika

Arxiv

Yazar

19 İyul

2018
09:27
1755
`Akkord` korporasiyası kapitalının 2/3 hissəsini itirib

"Akkord Sənaye Tikinti İnvestisiya Korporasiyası" ASC-nin cəmi aktivləri bu il yanvarın 1-nə 856,937 mln. manat təşkil edib.

"FaktXəbər" şirkətin maliyyə hesabatına istinadən xəbər verir ki, bu, ötən il yanvarın 1-i ilə müqayisədə 28,1% azdır.

2017-ci ildə "Akkord"un cəmi öhdəlikləri 1,6% artaraq 675,676 mln. manata çatıb, cəmi kapitalı isə 65,6% azalaraq 181,262 mln. manata düşüb.

Ötən il şirətin satışdan gəlirləri 12,788 mln. manat (əvvəlki ilə nisbətən 16,4% çox), satışının maya dəyəri 8,44 mln. manat (8,3% az), satış xərcləri 25 min manat (87% az), ümumi və inzibati xərcləri 1,529 mln. manat (79,2% az), digər xərcləri 3 min manat (86,6 dəfə az), maliyyə xərcləri 842 min manat (42,7 dəfə az), məzənnə fərqindən zərəri 12,3 mln. manat (əvvəlki il gəlir olub) təşkil edib.

Son nəticədə "Akkord" 2017-ci ili 345 min manat xalis zərərlə başa vurub. Halbuki şirkət 2016-cı ildə 6,317 mln. manat mənfəətlə çıxmışdı.

Xatırladaq ki, "Akkord Sənaye Tikinti İnvestisiya Korporasiyası" 2006-ci ildə yaradılıb. Ötən ilin sonuna onun nizamnamə kapitalı 74,113 mln. manat təşkil edib Şirkətin səhmdarları 51% payla "VIP Estate" MMC və 49% payla Dərya Müsəllim oğli Vəliyevdir.

Məqalədə : Akkord 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-08-2018 23:41



  (+994 70) 870-47-49       (+994 55) 786-96-84

  [email protected]

Valyuta.com