Cənubi Koreyanın qərb sahilində Rusiyaya məxsus hərbi gəminin qalıqları tapılıb.

FaktXəbər bildirir ki, yerli mediyanın yazdığına görə, Rusiya donanmasına aid olduğu güman edilən "Dmitri Donskoy" hərbi gəmisinin qalıqları Ulleunqdo adasının sahillərində aşkar edilib.

113 il əvvəl Yaponiya ilə Rusiya arasında gedən müharibə zamanı batdığı ehtimal edilən gəminin təxminən 130,5 milyard dollar dəyərində qızıl daşıdığı güman edilir.

Qızılların müharibə zamanı əsgərlərin maaşları, liman ödənişləri və digər xərclərin ödənilməsi üçün gəmidə olduğu güman edilir.

Zədələnən digər gəmilərdəki qızılların da "Dmitri Donskoy"yə daşındığı ehtimal edilir.

Mərkəzi Cənubi Koreyada yerləşən və qəzaya uğramış gəmilərdə dəfinə axtaran "Shinil Group" şirkəti illərdir tapmağa çalışdığı gəmidəki qızılların çıxarılması üçün Çin, Kanada və İngiltərədən şirkətlərlə birgə əməliyyata hazırlaşır.

Qeyd edək ki, "Dmitri Donskoy" gəmisinin 1904-1905-ci illərdə Rusiya-Yaponiya müharibəsinə kömək üçün ora getdiyi bildirilir.