Xəbər Lenti

İnfoqrafika

Arxiv

Yazar

10 İyul

2018
12:38
MTN-in sabiq əməkdaşına hökm oxunub

Bu gün Bakı Ağır Cinayətlər Məhkəməsində dələduzluqda təqsirləndirilən Elçin Əhmədovun cinayət işi üzrə məhkəmə iclası başa çatıb.

Hakim Rasim Sadıqovun sədrliyi ilə keçirilən prosedə hökm oxunub.

Məhkəmənin hökmü ilə o, üç il müddətinə azadlıqdan məhrum edilib.

Prokuror çıxışında E.Əhmədovun 5 il müddətinə azadlıqdan məhrum edilməsini istəmişdi.

İttiham aktına əsasən, E.Əhmədov vətəndaşların etibarından sui-istifadə edərək, 5 nəfərə qarşı dələduzluq edib. O, həmin vətəndaşları dövlət orqanlarında işə düzəldəcəyi vədini verərək, onların ümumilikdə 50 min manatdan çox pulunu dələduzluq yolu ilə ələ keçirib.

Daha sonra E.Əhmədov verdiyi vədə əməl etməyib və zərərçəkmişlərin şikayətləri əsasında həbs edilib, barəsində həbs qətimkan tədbiri seçilib.

Xatırladaq ki, E.Əhmədov daha əvvəl ləğv edilmiş Milli Təhlükəsizlik Nazirliyinin əməkdaşı olub. Sonralar isə o, nazirlikdən xaric edilib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : MTN 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-09-2018 07:43



  (+994 70) 870-47-49       (+994 55) 786-96-84

  [email protected]

Valyuta.com