Xəbər Lenti

İnfoqrafika

Arxiv

Yazar

05 İyul

2018
11:36
Bakıda yeni şahmat məktəbi açılıb

Bu gün Suraxanı rayonu, Yeni Günəşli qəsəbəsi “D” yaşayış sahəsi ərazisində şahmat məktəbinin açılış mərasimi keçirilib.

Gənclər və İdman Nazirliyindən FaktXəbər-ə verilən məlumata görə, 2 mərtəbə və zirzəmi hissəsindən ibarət məktəbin tikilialtı sahəsi 333 kv.m, ümumi sahəsi isə 963 kv.m, həcmi 3724 kub.m təşkil edir.

Şahmat məktəbində şahmat tədrisi üçün sinif otaqları, yarışların keçirilməsi üçün yarış zalları, müəllimlər otağı, kitabxana, tədris üçün nəzərdə tutulan və xüsusi şahmat proqramları ilə təchiz edilmiş kompüter otağı, həkim otağı, inzibati otaqlar, mətbəx, sanitar qovşaqlar var. Məktəbdə eyni zamanda 70-80 nəfərin tədrisi üçün bütün imkanlar yaradılıb.

Bina tədris və yarışlar üçün nəzərdə tutulmuş elektron lövhələr, müvafiq inventar, avadanlıq və ləvazimatlarla tam təchiz edilib.

Eyni zamanda şahmat məktəbinin təminatı üçün ərazidə içməli və yanğına qarşı ehtiyat su anbarı, nasosxana inşa edilib. Bina müasir ventilyasiya, kondisioner, işıqlandırma, istilik, yanğın xəbərverici siqnalizasiya sistemləri və su, kanalizasiya, elektrik, rabitə, internet xətləri ilə təchiz edilib.

Şahmat məktəbi Azərbaycan Respublikası Prezidentinin müvafiq Sərəncamı ilə təsdiq edilmiş “Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”na əsasən Gənclər və İdman Nazirliyinin sifarişi əsasında inşa edilib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : şahmat məktəbi 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-10-2018 09:17



  (+994 70) 870-47-49       (+994 55) 786-96-84

  [email protected]

Valyuta.com