Xəbər Lenti

İnfoqrafika

Arxiv

Yazar

27 İyun

2018
10:11
AMEA: Kürdə daşqınları dronla önləmək lazımdır

İyunun 23-24-də Azərbaycan Milli Elmlər Akademiyası (AMEA) akademik Həsən Əliyev adına Coğrafiya İnstitutunun bir qrup əməkdaşı bu elmi müəssisənin direktoru, akademik Ramiz Məmmədovun rəhbərliyi ilə Neftçala və Salyan rayonlarında ekspedisiyada olub.

Bu barədə Faktxeber.com-a AMEA-dan məlumat verilib.

Alimlər ekspedisiya zamanı dron çəkilişlərini sınaqdan çıxarıblar. Bunun üçün onlar AMEA-nın Yüksək Texnologiyalar Parkından özləri ilə götürdükləri pilotsuz uçan aparatdan istifadə ediblər. Əsas məqsəd dron vasitəsilə Kür çayının Neftçala rayonu ərazisindən keçən hissəsində, habelə Xəzərin sahil zonasında tədqiqat aparmaq, mövcud vəziyyətin məsafədən zondlama üsulu ilə fotoşəkillərini çəkmək, gələcəkdə kameral şəraitdə həmin şəkilləri əvvəlki fotoşəkillər və irimiqyaslı xəritələrlə müqayisə edib sahil zonasında və Kür deltasında baş vermiş dəyişikliklərin əsas tendensiyasını aşkarlamaq olub.

Dron uçuşları quruda, Kürün sahili ilə uzanan bəndin üzərində aparılıb. Həmin ərazidə ilkin landşaft tədqiqatları aparılaraq xeyli faktik material əldə olunub. Müəyyən edilib ki, son bir neçə il ərzində Kürün sahillərində, çayın mənsəbindəki deltada, çay vasitəsilə ərazidən ayrılmış adalarda xeyli dəyişikliklər baş verib. Lakin çayın yaratdığı adalarda təbii landşaft antropogen dəyişikliklərə daha az məruz qalıb.

Mütəxəssislər, eyni zamanda, Bankə qəsəbəsindən Kürün Xəzərə töküldüyü yerə qədər 20 kilometrlik məsafəni qayıqla keçərək, orada da drondan istifadə etməklə təqribən 500-ə qədər şəkil çəkiblər. Kürün yatağında baş vermiş dəyişikliklər də alimlərin diqqətini cəlb edib. Onlar bu nəticəyə gəliblər ki, gələcəkdə çay daşqınlarının zəiflədilməsi üçün Kürün mənsəbində çay yatağının təmizlənməsi (dərinləşdirilməsi) işi davam etdirilməlidir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Kür 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-10-2018 11:58



  (+994 70) 870-47-49       (+994 55) 786-96-84

  [email protected]

Valyuta.com