Xəbər Lenti

İnfoqrafika

Arxiv

Yazar

21 İyun

2018
09:30
1554
Taxıl əkən fermerlər narahatdırlar

“Əlverişsiz hava şəraiti nəticəsində taxıl biçinində gecikmələr yaranıb".

FaktXəbər Kənd Təsərrüfatı Nazirliyinə istinadən xəbər verir ki, bunu qurum yanında "Aqrolizinq" ASC-nin İdarə Heyətinin sədri Seymur Mövlayev taxıl biçininin vaxtında, itkisiz və mütəşəkkil təşkili ilə bağlı fermer və sahibkarlarla Yevlaxda keçirilən görüşdə deyib. 

"Odur ki, ilk növbədə növbəlilik prinsipinə əməl olunmalıdır. Çətinliyin öhdəsindən gəlmək üçün biz bir-birimizi eşitməli, qarşılıqlı anlaşma şəraitində, mövcud imkanlar çərçivəsində taxıl biçinini vaxtında və itkisiz başa çatdırmalıyıq”, - deyə o, qeyd edib. 

Sədrin sözlərinə görə, hazırda respublikada taxıl biçinini həyata keçirən 2 206 texnika var. Bunun 632-si “Aqrolizinq”ə, qalanı isə hüquqi və fiziki şəxslərə məxsusdur: "Aqrolizinq"in əsas vəzifəsi həm texnikaları hüquqi və fiziki şəxslərə lizinqə vermək, həm də kiçik torpaq sahəsi olan fermerlərə və aztəminatlı ailələrə servis xidməti göstərməkdir. Odur ki, böyük torpaq sahibi olan taxıl istehsalçıları texnikanı lizinq yolu ilə əldə etsələr biçin mövsümündə çətinliklər yaranmaz".

S.Mövlayev görüşdə fermer və sahibkarlara taxılın becərilməsi zamanı aqrotexniki tədbirlərin vaxtında və düzgün həyata keçirilməsi, alaq otlarına qarşı mübarizə aparılması üçün herbisidlərdən istifadə edilməsi və kiçik torpaq sahələri olan fermerlərin korporasiyalarda birləşməsi ilə bağlı tövsiyələr verib. O, qeyd edib ki, yüksək məhsuldarlıq əkin sahələrinin artırılması hesabına deyil, nümunəvi qulluq və aqrotexniki tələblərin vaxtında və keyfiyyətlə yerinə yetirilməsi hesabına əldə olunmalıdır. Bu sahədə maarifləndirmə və təşviqat işinin gücləndirilməsi də vacibdir.

Görüşdə fermer və sahibkarların biçinlə bağlı təklifləri dinlənilib, taxıl biçininin vaxtında və itkisiz həyata keçirilməsi ilə bağlı müzakirələr aparılıb, müvafiq tapşırıq və tövsiyələr verilib.

Fermer və sahibkarlar dövlət başçısının kənd təsərrüfatı istehsalçılarına göstərdiyi diqqət və qayğının, qəbul olunmuş dövlət proqramlarının, imzalanmış fərman və sərəncamların onlarda böyük ruh yüksəkliyi, inam və ümid yaratdığını vurğulayıblar.

“Aqrolizinq”in sədri taxıl biçini ilə əlaqədar çağrı mərkəzinə daxil olmuş müraciətlər əsasında Sabirabad rayonunun Sərxanbəyli, İmişli rayonunun Bəhramtəpə və Qaragüvəndikli, Ağcabədi rayonunun Taynaq kənd və qəsəbələrində fermerlərlə görüşüb, onların fikir və təkliflərini dinləyib, səsləndirilən çətinliklər yerindəcə öz həllini tapıb.

Məqalədə : fermer taxıl biçini 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-07-2018 16:03



  (+994 70) 870-47-49       (+994 55) 786-96-84

  [email protected]

Valyuta.com