Qida Təhlükəsizliyi Agentliyi `ASAN xidmət`ə birləşir

Xəbər Lenti

İnfoqrafika

Arxiv

Yazar

12 İyun

2018
11:38
1693
Qida Təhlükəsizliyi Agentliyi `ASAN xidmət`ə birləşir

Qida təhlükəsizliyi ilə bağlı müvafiq xidmətlər "ASAN xidmət" mərkəzlərində həyata keçiriləcək.

Bununla əlaqədar Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi və Qida Təhlükəsizliyi Agentliyi arasında əməkdaşlıq haqda anlaşma memorandumu imzalanıb.

Memorandumu "ASAN xidmət"in sədri Ülvi Mehdiyev və Qida Təhlükəsizliyi Agentliyinin sədri Qoşqar Təhməzli imzalayıblar.

Ü. Mehdiyev bildirib ki, "ASAN xidmət" mərkəzlərində Qida Təhlükəsizliyi Agentliyinin 14 xidməti həyata keçiriləcək.

Q. Təhməzli qeyd edib ki, iki qurumun birgə fəaliyyəti nəticəsində qida təhlükəsizliyi sahəsində uğurlar əldə ediləcək.

Memoranduma əsasən, qida məhsulları sahəsində fəaliyyət göstərən subyektlərin qida təhlükəsizliyi qeydiyyatı, müvafiq sertifikatlarının verilməsi və dövlət reyestrinin aparılması ilə bağlı təşkilati işlər "ASAN xidmət" mərkəzləri vasitəsilə həyata keçiriləcək.

Memorandumda "ASAN xidmət" təcrübəsinin öyrənilməsi, xidmətlərin elektron formada həyata keçirilməsi üçün müvafiq proqram təminatının, informasiya sistemlərinin, məlumat bazalarının formalaşdırılması, "ABAD" publik hüquqi şəxslə əməkdaşlığın həyata keçirilməsi də nəzərdə tutulub.

Məqalədə : ASAN xidmət 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-08-2018 14:07



  (+994 70) 870-47-49       (+994 55) 786-96-84

  [email protected]

Valyuta.com