ABŞ prezidenti Donald Trampla onun ticarət müşaviri Piter Navarronun Kanadanın baş naziri Castin Trudeaunu hədəf alan sözləri Kanada parlamentində müzakirəyə çıxarılıb. FaktXəbər-in "Sputnik"ə istinadən verdiyi məlumata görə, Kanada parlamentinin alt palatası olan İcmalar Palatası dünən baş nazir Trudeauya sahib çıxan qətnamə qəbul edib.
 
Yekdilliklə qəbul edilən qətnamədə Donald Trampla müşaviri Navarronun Trudeau və Kanadanı hədəf sahə sözləri qəbuledilməz sayılıb və ikitərəfli münasibətlərə zərər verdiyi vurğulanıb.
 
Qərarda ABŞ ilə Kanada arasında münaqişəyə səbəb olan polad, alüminium və kənd təsərrüfatı vergiləri haqqında da kanadalı istehsalçılara dəstək veriləcəyi öz əksini tapıb.
 
Qeyd edək ki, Piter Navarro bazar günü çıxışı zamanı Trudeaunu hədəf alaraq, "Trampla pis niyyətli diplomatiya quran və onu arxasından bıçaqlamağa çalışan bütün xarici liderlər üçün cəhənnəmdə xüsusi yer var",-deyə bildirmişdi.