Ucuz gün eynəklərinin sağlamlığa zərəri - Həkim RƏYİ

Xəbər Lenti

İnfoqrafika

Arxiv

Yazar

09 İyun

2018
22:16
2474
Ucuz gün eynəklərinin sağlamlığa zərəri - Həkim RƏYİ

Yay mövsümündə gün eynəkləri ən dəbdə olan aksesuara çevrilir, lakin insanlar imkan daxilində ucuz və bir o qədər də keyfiyyəti olmayan gün eynəklərindən istifadə etməməlidir. FaktXəbər-in məlumatına görə, bunu Trend-ə oftalmoloq-cərrah Azər Kərimov deyib.

A.Kərimov qeyd edib ki, əksəriyyət ucuz eynəklərin onların gözləri və ümumi səhhətləri üçün ziyanlı olduğunun fərqində deyil:

"Ucuz qiymətə satılan eynəklərin şüşələrinin materialları orijinal eynəklərdən fərqlidir. Ucuz qiymətə satılan gün eynəklərinin optik şüşələri tam orqanik olmur, hansısa plastik materiallardan hazırlanır. Bu eynəklərin şüşələrində xüsusi örtüklər və qatlar olmur. Bunlar olmadığına görə də həmin eynəklər orijinal eynəklərin verdiyi rahatlığı verə bilmir, işıq keçiriciliyi fərqli olur".

Oftalmoloq-cərrah bildirib ki, ucuz qiymətə satılan eynəklərin şüşələrində şəffaflıq zəif olduğundan göz obyekti yaxşı fokuslaya bilmir:

"Göz yaxşı fokuslaya bilməyəndə isə beyin 2-3 qat çətinliklə işləyir. Ucuz eynəklərdən istifadə edən bəzi adamlar hansısa obyekti iki gördüklərini, bəziləri isə ürəyinin sıxıldığını və s. deyə bilər. İşıq bir az zəif olan zaman həmin eynəklərdən istifadə göz üçün daha çətindir. Çünki bu eynəklərdə polaroid funksiyası yoxdur".

Lakin A.Kərimov bütün hallarda gün eynəklərindən istifadənin vacibliyini vurğulayıb. Onun sözlərinə görə, ultrabənövşəyi şüalar gözlərə hətta ucuz gün eynəklərindən daha çox zərər vurur.

Məqalədə : gün eynəkləri 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-08-2018 01:23



  (+994 70) 870-47-49       (+994 55) 786-96-84

  [email protected]

Valyuta.com