Almaniyanın Solingen şəhərində aksiya keçirən PKK terror təşkilatı tərəfdarlarına müqavimət göstərən Hakan Canik adlı türk polis tərəfindən zorakılığa məruz qalıb.

FaktXəbər-in "Anadolu" agentliyinə istinadən məlumatına görə, polis zorakılığına məruz qalan 44 yaşlı Canik xəsarət barədə arayış aldığını və onu döyən polis barədə şikayət edəcəyini söyləyib.

Üzləşdiyi zorakılıqdan sonra paltarı cırılan, saatı və telefonu qırılan Canik Almaniya dövlətinin terror təşkilatı tərəfdarlarını qorumasını qəbul etmədiyini bildirərək, polisin addımını başa düşmədiyini vurğulayıb: "PKK terror təşkilatının və terrorbaşı Abdullah öcalanın plakatlarına etiraz etdim. Çevrilib gedərəkən arxadan gələn polis mənə itələyərək yıxdı, digər dostları da ona kömək etdi, sahca çoxalıb məni yerə yıxdılar.

Dayanın deməyimə baxmayaraq, kürəyimi, ayağımı tapdaladılar. Nəfəs ala bilmədiyimi, astma xəstəsi olduğumu deməmə baxmayaraq, qulaq asmadılar, başımı yerə vurdular. Əlimi möhkəm bağladılar. Arabanın arxasına yerə uzandırdılar. Maşın işləyirdi və uzun müddət dəm qazını mənə uddurdular."