Xəbər Lenti

İnfoqrafika

Arxiv

Yazar

04 May

2018
14:32
17 karateçimiz 53-cü Avropa çempionatına yollanır

Azərbaycan Milli Karate Federasiyasının rəhbərliyi 9-14 may tarixlərində Serbiyanın Novi Sad şəhərində 53-cü Avropa çempionatına yola düşən milli komandanın heyəti ilə görüşüb.

Federasiya prezidenti Yaşar Bəşirov qarşıdakı məsul yarışda yüksək nəticə göstərməyin vacibliyini diqqətə çatdıraraq, karateçilərə bəslənən ümidlərin doğrulacağına inandığını bildirib.

Təşkilatın rəhbəri ilə birgə çıxışlarda 1-ci vitse-prezident Fərid Əsgərov, vitse prezident Rəhman Hətəmov, baş katib MirHəsən Seyidov, İdarə heyətinin üzvləri Füzuli Musayev, baş hakim Cahangir Babayev, fiziki hazırlıq üzrə məşqçi Oqtay Məmmədov komandaya uğurlar arzulayıb.

Kişilərdən ibarət milli komandanın baş məşqçisi Şahin Xudaverdiyev, qadınların baş məşqçisi Anar Allahverdiyev, kata üzrə baş məşqçi Vahid Ayvazov təlim-məşqlərin lazımi səviyyədə keçdiyindən danışaraq, idmançıların məsul yarışa hazır olduqlarını söyləyib. Qurban Tağıyev, Seymur Hüseynov və Rəşad Hüseynovun da daxil olduğu milli komandanın məşqçilər heyəti 17 idmançının qitə çempionatında iştirak etməsini məqbul sayıb.

Fərdi yarışlarda Firdovsi Fərzəliyev (-60 kq), Tural Ağalarzadə (-67 kq), Rafael Ağayev (-75 kq), Ayxan Mamayev (-84 kq), Şahin Atamov (+84 kq), Roman Heydərov (kata), Nuranə Əliyeva (-50 kq), İlahə Qasımova (-55 kq), Fəridə Abiyeva (-61 kq), İrina Zaretska (-68 kq) və Fəridə Əliyeva (+68 kq) iştirak edəcək. Komanda kumite yarışlarında Turqut Həsənov, Asiman Qurbanlı və Rafiz Həsənov da əsas heyətə qatılacaq. Qadınlar isə eyni heyətlə komanda çıxışlarında mübarizə aparacaq. Komanda kata yarışlarında Tural Balcanlı, İsmayıl Quliyev və Rövşən Əliyevdən ibarət heyət tatamiyə çıxacaq.

9 may tarixində Avropa Karate Federasiyasının (EKF) növbəti Konqresi keçiriləcək. EKF İdarə heyətinin üzvü Y.Bəşirov, vitse-prezident R.Hətəmov və baş katib M.Seyidov Konqresdə iştirak edəcək.

Avropa çempionatına 52 ölkədən 532 idmançı qatılacaq. Beynəlxalq hakimlər Cahangir Babayevlə Vüqar Hüseynov da yarışın hakimləri arasında olacaq. Milli komanda “Adidas” şirkətinin yeni geyim dəstələri ilə təmin olunub. Avropa çempionatında Azərbaycan Milli Karate Federasiyası heyətinin iştirakı Gənclər və İdman Naziriliyi, Smart Scoring şirkətinin dəstəyi ilə baş tutacaq.

Məqalədə : karate 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Lavrov Vaşinqtona işgüzar səfər edib

10

Dekabr
10:55
DÜNYA
125

Yanğına görə 2 nəfər tüstüdən zəhərlənib

10

Dekabr
10:52
HÜQUQ,HADİSƏ
155

AMB-nin valyuta məzənnələri

10

Dekabr
10:13
İQTİSADİYYAT
275

Cəbhədə atəşkəs 20 dəfə pozuldu

10

Dekabr
10:00
HƏRB
275

Neft yenidən ucuzlaşıb

10

Dekabr
09:15
İQTİSADİYYAT
370

Azərbaycanda dərman istehsal olunacaq - FOTO

09

Dekabr
21:12
İQTİSADİYYAT
417

Erkin Qədirli seçkiyə gedir

09

Dekabr
16:45
SİYASƏT
360
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


10-12-2019 11:12



  (+994 55) 786-96-84

  [email protected]

Valyuta.com

Рейтинг@Mail.ru