Xəbər Lenti

İnfoqrafika

Arxiv

Yazar

26 Aprel

2018
16:52
1293
Avropa Çempionatı: Orxan Səfərov yarımfinalda

Bu gün İsrailin paytaxtı Təl-Əvivdə cüdo üzrə Avropa çempionatına start verilib. Yarışın ilk günündə Azərbaycan millisinin 9 üzvü tatamiyə çıxacaq.

60 kq

Vüqar Şirinli mübarizəyə 1/16 finaldan başlayıb. İlk döyüşündə rusiyalı Beslan Mudranovla üz-üzə gələn həmyerlimiz məğlubiyyətə üzülüb.

66 kq

Yığmamızın lideri Nicat Şıxəlizadə 1/16 final mərhələsində moldovalı Denis Vyeru qarşılaşıb. O, rəqibinə ipponla qalib gəlib. Şıxəlizadə növbəti görüşündə ukraynalı Georgi Zantaraya ilə münasibətinə aydınlıq gətirib. İdmançımız rəqibini cəmi 57 saniyəyə məğlub edib. Lakin o, 1/4 finalda Matteo Medves (İtaliya) səddini keçə bilməyib.

Məğlubiyyətə baxmayaraq, Nicat bürünc medal uğrunda mübarizəni davam etdirəcək. O, təsəlliverici qarşılaşmada Dmitri Şerşanla qüvvəsini sınayacaq.

Bu çəki dərəcəsində qüvvəsini sınayan Orxan Səfərov da yarışa qələbə ilə başlayıb. O, xorvatiyalı Bernard Azinoviçi mübarizədən kənarlaşdırıb. Cüdoçumuz 1/8 finalda Baruç Şmaylovla (İsrail) güləşib və tatamidən qalib ayrılıb. Səfərov ardınca portuqaliyalı Joao Krosostomonu da ipponla məğlub edib.

Orxan yarımfinalda sloveniyalı Adrian Qomboçla gücünü yoxlayacaq.

Qadınlar

48 kq

Leyla Əliyeva ilk qarşılaşmasını sloveniyalı Marusa Stanqara qarşı keçirib. Rəqib qalib gəldiyindən təmsilçimiz yarışla vidalaşıb.

Bazaraqça Erdenebat da 1/8 finala gedən yolda büdrəyib. O, Dilarə Loğmanhəkimə (Türkiyə) uduzub.

52 kq

Gültac Məmmədliyeva türkiyəli İrem Korkmazla üz-üzə gəlib. Həmyerlimiz məğlub olaraq, mübarizəni dayandırıb.

Buyanxışıq Purevsuren ilk döyüşündə norveçli Medelin Rubinşteyni sınağa çəkib. Qarşılaşmadan rəqib qalib ayrılıb.

57 kq

Ülviyyə Rəhimli və İçinxorlu Munxtsedev də birinci qarşılaşmasında məğlub olublar. Onlar müvafiq olaraq, polşalı Anna Borovska və kosovolu Nora Qyakovaya uduzublar.

Qeyd edək ki, yığmamız 3 gün davam edəcək qitə çempionatına 16 cüdoçu ilə qatılıb.

Məqalədə : cüdo 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-05-2018 12:03

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com



Рейтинг@Mail.ru

DMCA.com Protection Status