Xəbər Lenti

İnfoqrafika

Arxiv

Yazar

25 Aprel

2018
09:58
3797
DİM: Yalnız 2 nəfəri imtahanda uğur qazanıb

Dövlət İmtahan Mərkəzi (DİM) aprelin 22-də inzibati vəzifələrin B növünə (inzibati icraçı vəzifələr) aid olan BA və BB qruplarına keçirilən imahanda iştirak etmiş namizədlərin yaş kateqoriyası və gender aspektləri haqqında bəzi statistik məlumatları açıqlayıb.

DİM-in mətbuat xidmətindən FaktXəbər-ə verilən məlumata görə, imtahanda iştirak etmək üçün qeydiyyatdan keçən namizədlərin 1038 nəfərini kişilər, 634 nəfərini isə qadınlar təşkil edib. 

Qeydiyyatdan keçən namizədlərdən kişilər üzrə 907 nəfər (qeydiyyatdan keçənlərin 87%-i), qadınlar üzrə isə 572 nəfər (qeydiyyatdan keçənlərin 90%-i) 20-34 yaş intervalında olanlardır. Ən yuxarı yaş qrupu (60-64 yaş intervalı) üzrə qeydiyyatdan keçənlərin 2-si kişi, 1-i isə qadındır. Lakin yuxarı yaş intervalına aid kişi və qadın namizədlərin heç biri imtahanda uğur qazana bilməyib. Ümumiyyətlə, imtahanda iştirak edən 45 yaşdan yuxarı namizədlərdən yalnız 2 nəfəri (kişi) imtahanı uğurla keçib.

Ümumilikdə imtahanda müvəffəqiyyət əldə edən kişi və qadınların 265 nəfəri (147 kişi və 118 qadın), 20‑24 yaş intervalında olan namizədlərdir. Bu yaş qrupu üzrə imtahandan iştirak edən kişilərin 51.4%-i, qadınların isə təqribən 60%-i müvəffəqiyyət əldə edib.

25-29 yaş intervalında isə 305 nəfər (187 kişi və 118 qadın) lazım olan balı toplaya bilib.

Məlumata görə, imtahanda uğur qazanan namizədlərin 649 nəfəri, yəni təqribən 96%-i yaşı 34-ə qədər olan insanlardır. Bu göstərici fevralın 18-də keçirilən imtahanda da eyni olub: "Bu onu göstərir ki, imtahanlarda uğur əldə edən namizədlər əsasən gənclərdir.

35-64 yaş intervalında olan və imtahanı uğurla keçən namizədlərin sayı 27 nəfərdir".

Bildirilib ki, imtahanda iştirak etmək üçün qeydiyyatdan keçən 1672 namizəddən 676 nəfəri (40.4%) müvəffəqiyyət əldə edib. Bu fevralın 18-də keçirilən imtahanda qeydə alınan göstəricidən təqribən 10% daha yaxşı nəticədir: "İmtahanda uğur əldə edənlərin faiz göstəricilərinə kişilər və qadınlar üzrə baxsaq görərik ki, qadınların nəticələri az da olsa, daha yuxarıdır. Belə ki, imtahanda iştirak edən kişilərin 38%-i, qadınların isə 44.5%-i uğur əldə ediblər".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Gecə aeroport yolu bağlandı - SƏBƏB

14

Oktyabr
09:59
NƏQLİYYAT
64

Mərkəzi Bank depozit hərracı keçirəcək

14

Oktyabr
09:56
İQTİSADİYYAT
181

Xarici valyutaların manata qarşı məzənnələri

14

Oktyabr
09:52
İQTİSADİYYAT
63

Sərhəddə insident: bir sərhədçimiz yaralanıb

14

Oktyabr
09:49
HÜQUQ,HADİSƏ
25

Şamaxıda 3 yaşlı uşaq xlorofos içdi

14

Oktyabr
09:36
HÜQUQ,HADİSƏ
64

Neft yenidən ucuzlaşıb

14

Oktyabr
09:23
DÜNYA
85

Dünya bazarlarında təbii qaz bahalaşıb

14

Oktyabr
09:12
İQTİSADİYYAT
163

Akademik Vasim Məmmədəliyev vəfat edib

14

Oktyabr
09:07
ÖLKƏ
98

Azərbaycan nefti kəskin bahalaşıb

12

Oktyabr
12:30
İQTİSADİYYAT
601
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-10-2019 10:08



  (+994 55) 786-96-84

  [email protected]

Valyuta.com

Рейтинг@Mail.ru