Xəbər Lenti

İnfoqrafika

Arxiv

Yazar

20 Aprel

2018
15:28
1239
`Beynəlxalq Bank`ın əməkdaşlarının məhkəməsi başlayıb

Bu gün Bakı Ağır Cinayətlər Məhkəməsində “Azərbaycan Beynəlxalq Bankı” ASC-nin külli miqdarda mənimsəmədə və vəzifə saxtakarlığında təqsirləndirilən Yasamal rayon filialının fiziki şəxslərlə iş şöbəsinin məsləhətçiləri - Rüfət Muradov və Qorxmaz Vəliyevin cinayət işi üzrə məhkəmə iclası başlayıb.

Hakim Eldar Mikayılovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Məhkəmədə məlum olub ki, təqsirləndirilən R.Muradovu müdafiə etmək üçün dövlət hesabına vəkil təyin edilib. Lakin həmin müdafiəçinin məhkəmədə iştirak etmədiyi bildirilib.

R.Muradov söyləyib ki, onun hüquqlarını müdafiə etmək üçün vəkil Asif Abdullayevlə yeni müqavilə bağlanılıb. Ancaq həmin vəkilin də məhkəməyə gəlmədiyi qeyd edilib.

Məhkəmənin hazırlıq iclası aprelin 24-dək təxirə salınıb.

Qeyd edək ki, R.Muradovla Q.Vəliyev vəzifədə işlədiyi dövrdə müştərilərin vəsaitini tamah yolu ilə mənimsəyərək onların, ümumilikdə, 118 min manat məbləğində pul vəsaitini ələ keçirməkdə ittiham olunur.

Hər iki şəxsə qarşı Cinayət Məcəlləsinin 179.3.2 (mənimsəmə; külli miqdarda törədildikdə) və 313 (vəzifə saxtakarlığı) maddəsi ilə ittiham irəli sürülüb.

Məqalədə : Bank Respublika 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-05-2018 12:59

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com



Рейтинг@Mail.ru

DMCA.com Protection Status