Xəbər Lenti

İnfoqrafika

Arxiv

Yazar

15 Aprel

2018
11:54
Zaqatalada güclü leysan fəsadlar törədib

Zaqatalaya yağan güclü leysan yağışları bir sıra fəsadlar törədib.

FaktXəbər-in APA-ya istinadən məlumatına görə, aprelin 13-ü axşam saatlarından başlayaraq ölkənin şimal-qərb bölgəsində qeyri-sabit hava şəraiti hökm sürür.

Fasilələrlə qısamüddətli yağışlar yağır, havanın temperaturu 8-10 dərəcə düşüb.

Aprelin 14-dən 15-ə keçən gecə Zaqatala rayonu ərazisində güclü leysan yağışları yağıb.

Leysan nəticəsində mənbəyini dağlardan götürən iri və xırda dağ çaylarında suyun səviyyəsi qalxıb, bəzi çaylarda qısamüddətli sel yaranıb.

Rayonun Mazıx kəndi ərazisindən  axan Dəli çayında qısamüddətli sel keçib, çay məcrasından çıxıb. Nəticədə çayın sağ və sol sahilində olan 200-dən artıq evin həyətyanı sahəsini su basıb, 15-ə yaxın evin birinci mərtəbəsinə su dolub, xeyli sayda ev quşu tələf olub, kəndin yaxınlığındakı fındıq bağları sel suları altında qalıb.

Mazıx kənd sakininə məxsus “VAZ 2106” markalı maşını sel aparıb.

Leysan yağışları nəticəsində qəzalarla bağlı gecə saatlarında rayona elektrik enerjisinin verilməsində fasilələr yaranıb. Rayonun Mamrux, Höytala, Yolayrıc və Maqov kəndlərində də bir sıra evlərin həyətyanı sahələrini yağış suları basıb, sakinlərin şəxsi təsərrüfatlarını ziyan dəyib.

Zaqatala rayon Fövqəladə Hallar Komissiyasının əməkdaşları gecə saatlarından başlayaraq Mazıx və digər kəndlərdə yaranan problemlərin həlli istiqamətində işlər aparır, sakinlərə və kəndlərə dəymiş ziyan hesablanır.

Zaqatala Paylayıcı Elektrik Şəbəkəsinin əməkdaşları baş verən qəzaları aradan qaldırılması istiqamətində tədbirlər görür. Səhər saat 10 radələrinə rayon ərazisinə elektrik enerjisinin verilməsi bərpa edilib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Zaqatala leysan 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-10-2018 07:59



  (+994 70) 870-47-49       (+994 55) 786-96-84

  [email protected]

Valyuta.com