Xəbər Lenti

İnfoqrafika

Arxiv

Yazar

10 Aprel

2018
14:22
1909
Bakıda 3 istiqamətdə metro tikintisi aparılır

Aprelin 9-da Azərbaycan Prezidenti İlham Əliyevin sədrliyi ilə Nazirlər Kabinetinin 2018-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib. Bakı şəhərinin nəqliyyat problemlərinin kompleks şəkildə həllini tapmalı olduğunu vurğulayan İ.Əliyev metro tikintisinin müəyyən fasilədən sonra bərpa edildiyini açıqlayıb.

“Bakı Metropoliteni” QSC-nin mətbuat xidmətinin rəhbəri Nəsimi Paşayev Modern.az-ın sorğusuna cavab olaraq bildirib ki, hazırda 3 istiqamətdə tikinti işləri davam etdirilir:

“Bənövşəyi xəttin 3-cü stansiyası - şərti adı B3, Xocahəsən deposu ilə "Avtovağzal" stansiyası arasında tunel tikintisi, "Həzi Aslanov-2" stansiyası”.

Şərti adı B3 olan stansiyanın (“Papanin” ərazisində) bu ilin sonunadək istifadəyə veriləcəyi gözlənilir.

Xatırladaq ki, 2011-ci ildə prezident İlham Əliyevin fərmanı Bakı Metropoliteninin Perspektiv İnkişaf Planı təsdiqlənib. Plan paytaxtda yeni metro xətlərinin və stansiyaların tikintisini nəzərdə tutur. Bu işlər nəticəsində 2030-cu ilə qədər Bakı Metropoliteni stansiyaların sayı 76-ya çatdırılacaq.

Məqalədə : Metro çəkilişi 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-07-2018 13:01



  (+994 70) 870-47-49       (+994 55) 786-96-84

  [email protected]

Valyuta.com