Milli Qəhrəmanları Şövqiyar Abdullayev və Etibar Hacıyevin doğum günüdür

Xəbər Lenti

İnfoqrafika

Arxiv

Yazar

05 Aprel

2018
15:25
2185
Milli Qəhrəmanları Şövqiyar Abdullayev və Etibar Hacıyevin doğum günüdür

Şövqiyar Cəmil oğlu Abdullayev 1969-cu il aprelin 5-də Göyçə mahalı Basarkeçər rayonunun Nərimanlı kəndində anadan olub. O, 1992-ci ilin əvvəllərində könüllü olaraq Milli Orduya yazılıb. Tank komandiri kimi Ağdamın Papravənd, Pircamal, Aranzəmin, Abdal-Gülablı kəndləri, Ağdərə rayonu istiqamətində rəşadətlə vuruşub. 1992-ci il avqustun 27-də Dronbon kəndi yaxınlığında əsgər yoldaşlarını mühasirədən çıxarmaq üçün qeyri-bərabər döyüşə girmiş və qəhrəmanlıqla şəhid olub. Bakı şəhərində Şəhidlər Xiyabanında dəfn edilib. Bakının küçələrində biri onun adını daşıyır.

Etibar Firidun oğlu Hacıyev 1971-ci il aprelin 5-də Qərbi Azərbaycanın Zod kəndində anadan olub. O, 1991-ci ilin oktyabr ayından başlayaraq könüllü özünümüdafiə taburunun tərkibində Böyük Canbar, Kiçik Canbar, Buzlaq, Erkəc kəndləri, Çəpərqaya yüksəkliyi uğrunda gedən döyüşlərdə fədakarlıq göstərib. 1992-ci ilin iyunun 15-də Goranboy rayonunun Ağcakənd qəsəbəsinin azad edilməsi uğrunda gedən döyüşlərdə qəhrəmancasına şəhid olub. Göygöl rayonunda Şəhidlər Xiyabanında dəfn edilib. Göygöl rayonu Yeni Zod kəndinin küçələrindən biri onun adını daşıyır.

Məqalədə : Milli Qəhrəmanlar 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-08-2018 22:43



  (+994 70) 870-47-49       (+994 55) 786-96-84

  [email protected]

Valyuta.com