Xəbər Lenti

İnfoqrafika

Arxiv

Yazar

29 Mart

2018
11:52
Azərbaycan Rusiyadan aldığı silahlardan narazıdır

Azərbaycan rəhbərliyi Rusiyadan aldığı silahların keyfiyyətindən narazıdır. FaktXəbər-in verdiyi məlumata görə, bu barədə Polşada dərc olunan  "Belaruskaya Prayda" qəzeti yazıb.

Qəzet öz mənbələrinə istinadən yazır ki, 2017-cu ilin sonunda hərbi-texniki əməkdaşlıq üzrə Rusiya-Azərbaycan komissiyasının qapalı iclas zamanı rəsmi Bakı Moskva qarşısında mövcud müqavilə çərçivəsində hərbi texnikanın tədarükü üzrə öhdəliklərin yerinə yetirilməməsi ilə bağlı məsələ qaldırıb.

Bildirilir ki, narazılıq "Т-90S", "BMP-3", "BTR-82", SAU "MSTA-S", "Smerç", "ZRK", "Top-M2" və digər silahlarla bağlı müqavilələrin şərtlərinin yerinə yetirilməməsinə dair iclasda deyilib.

Əsas iradlar müqavilələrdə göstərilən texniki avadanlıqların siyahısı ilə uyğunsuzluğu, texniki sənədlərin olmaması, bəzi silahların zavoddan qüsurlu çıxması, həmçinin cari təmir işləri aparılması üçün ehtiyat hissələrinin olmamasından ibarətdir.
 
Bundan başqa Azərbaycan tərəfi həmçinin bildirib ki, "Smerç" raketləri atəş zamanı partlamır, "BTR-82" hərbi texnikasının pulemyotların açılan atəş hədəfə çatmır və "Mi-35" helikopterlərində mühərriki işə salmağa imkan verməyən termocüt mütəmadi olaraq yanır.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Rusiya silah 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-11-2018 23:47



  (+994 55) 786-96-84

  [email protected]

Valyuta.com