Rusiyanın XİN rəhbəri Sergey Lavrov bildirib ki, ölkəsi Avropa Birliyi, ABŞ və Kanadadan diplomatik nümayəndələrin kütləvi deportasiyasına cavab verəcək. FaktXəbər-in "RT"yə istinadən verdiyi məlumata görə, bu barədə o, Əfqanıstan prezidenti ilə görüş zamanı danışıb.
 
Sergey Lavrov mövcud durumu ədəbsiz hal kimi qiymətləndirib: "Şübhəniz olmasın, cavab verəcəyik".
 
Qeyd edək ki, 26 mart tarixində Solsberi olayına görə ABŞ, Kanada və bir sıra Avropa ölkələri 100-dən çox rusiyalı diplomatın deportasiya edilməsi barədə qərar verib.

Rusiya XİN-in rəsmi nümayəndəsi Mariya Zaxarova da vurğulayıb ki, Moskva diplomatların sürgünü üçün adekvat cavab verəcək.