Çinin «Tyanqun-1» kosmik stansiyasının qalıqlarının martın 29-dan aprelin 4-nə kimi müddətdə Yerə düşəcəyi ehtimal olunur. FaktXeber.com-un məlumatına görə, bu barədə The Hill Kosmik Məkanın Araşdırma Mərkəzinə istinadla bildirib.

Alimlər hesab edir ki, stansiya  atmosferin qalın təbəqəsinə girərkən parçalanacaq və onun qalıqlarının böyük əksəriyyəti yanacaq. Bir qism hissə isə Yerin üst səthinə kimi çatacaq və ehtimal ki, okeana düşəcək. Bununla belə mütəxəssislər qalıqların onların ərazilərinə düşə biləcəkləri ilə bağlı İspaniya, Portuqaliya, Fransa  və Almaniyanı xəbərdar ediblər. Ekspertlər vurğulayırlar ki, insanların xəsarət alma ehtimalı az da olsa var. 

8,5 ton ağırlığında, 12 metr uzunluğunda və 3,3 metr diametrində olan «Tyanqun-1»  stansiyası 2011-ci ilin sentyabr ayında orbitə çıxarılıb. Son iki ildə «Şençjou» seriyasından olan  gəmilər iki dəfə onunla birləşib, lakin bir müddət sonra onun üzərində nəzarət itib. Mütəxəssislər hesab edir ki,  orbitin korreksiyası üçün olan  mühərriklərdə yanacaq bitib.