Xəbər Lenti

İnfoqrafika

Arxiv

Yazar

19 Mart

2018
12:45
2170
Millimizin futbolçusu Almaniya klubundan qovuldu

Azərbaycan millisinin futbolçusu Renat Dadaşov Almaniyanın “Ayntraxt” klubundan qovulub. Buna futbolçunun intizamsızlığı səbəb olub.

Əvvəllər də bir neçə dəfə qeyri-etik davranışlara yol verən hücumçunun komanda yoldaşı ilə dalaşması rəhbərliyin səbir kasasını daşırıb. Frankfurt təmsilçisinin gənc futbolçular üzrə şöbəsinin rəhbəri Armin Kraats qərarın qəti olduğunu bildirib: 

“Onu intizamsızlıq səbəbindən komandadan kənarlaşdırdıq. Renat məşqlərə buraxılmayacaq. Yeni baş məşqçi yenidən imkan yaratmışdı. Lakin bundan artıq şans verilməyəcək”.

Müqavilə ilə 2020-ci ilin iyununa qədər “Ayntraxt”a məxsus olan Renatla bağlı qərara əsas komandanın baş məşqçisi Niko Kovaç da etiraz etməyib: 

“Rəhbərliyin Dadaşovla bağlı qərarından xəbərim var. Bununla tam razıyam”.

Qeyd edək ki, Renat Dadaşov məşqdən sonra komanda yoldaşı ilə dalaşaraq, ona xəsarət yetirib. Bu, həmyerlimizin ilk intizamsızlığı deyil.

Bir neçə həftə əvvəl məşqdə komanda yoldaşına qarşı kobudluq edən millimizin üzvü onu zədələmişdi. Bu hərəkətindən sonra isə köməkçi məşqçi Uve Bindevald ilə mübahisə edərək, onu təhqir etməkdən də çəkinməmişdi.

Məqalədə : Renat Dadaşov 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-07-2018 09:47



  (+994 70) 870-47-49       (+994 55) 786-96-84

  [email protected]

Valyuta.com