Xəbər Lenti

İnfoqrafika

Arxiv

Yazar

13 Mart

2018
10:47
Dövlət Bayıl sakinlərinin kirayə haqqını artırır

"Bayılda evləri sürüşmə zonasında olan sakinlərə yardımın həcmini artırmaq məqsədi ilə görüş keçirilib. Çalışılır ki, tezliklə məsələ öz həllini tapsın".

Bunu Səbail Rayon İcra Hakimiyyətinin başçısı Eldar Əzizov Bayıl sürüşmə zonasının sakinləri ilə görüşündə deyib

"Məbləğin az olması ilə bağlı Nazirlər Kabinetində məsələ qaldırdım. Məbləğin çoxaldılması ilə bağlı iş bu həftənin sonuna kimi həll olunacaq", - deyə, E.Əzizov əlavə edib.

Görüşdə iştirak edən Səbail Enerji Təchizatı və Satışı İdarəsinin rəsmisi Araz Manafov bildirib ki, sürüşmə baş verən Teleqüllə ərazisinə tam baxış keçirilib: "Təmizləmə işləri aparılıb, 6 fərdi yaşayış evinə elektrik enerjisinin verilməsi qeyri-mümkündür. Hazırda rəydən asılı olaraq bəlkə yaxın günlərdə elektrik enerjisi verilə bilər. Lakin sürüşmə davam edəcəksə təbii ki, bu, mümkünsüzdür".

Xatırladaq ki, Nazirlər Kabineti Bayıl sürüşmə zonasında evi olan sakinlərin kirayə mənzillərə köçürülməsi ilə bağlı sərəncam verib. Sərəncamla, 98 ailənin (ailə tərkibinə uyğun olaraq) müvəqqəti kirayə evlərdə yerləşdirilməsi üçün vəsait ayrılıb. Sakinlərin yaxın günlərdə kirayə mənzillərə köçürüləcəyi gözlənilir. (report)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Eldar Əzizov 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-09-2018 17:16



  (+994 70) 870-47-49       (+994 55) 786-96-84

  [email protected]

Valyuta.com