Xəbər Lenti

İnfoqrafika

Arxiv

Yazar

12 Mart

2018
15:15
2626
`Metropark`ın qarşısında yol nə zaman açılacaq?

“Təbriz” küçəsində əsaslı yenidən qurma işləri aparılması səbəbindən metronun “Nəriman Nərimanov” stansiyasının yaxınlığında avtomobilin hərəkəti məhdudlaşdırılıb. Ərazidə texnikalar işləyib, asfalt örtüyünü yeniləyirlər.

Məsələ ilə bağlı musavat.com-a danışan Azərbaycan Avtomobil Yolları Dövlət Agentliyinin (AYDA) mətbuat xidmətinin rəhbəri Anar Nəcəfli bildirib ki, təmir işləri yaxın günlərdə yekunlaşacaq: “Küçədə əsaslı təmir işləri aparılır. Ona görə də asfalt örtüyünün yeniləndiyi yerlərdə avtomobilin də hərəkəti məhdudlaşdırılır. Hazırda təmir görülən yerdə işlər yekunlaşandan sonra “Təbriz” küçəsinin digər hissəsi bağlanacaq. Ümumilikdə isə küçənin başdan-başa əsaslı şəkildə yenidən qurulması işləri aparılır. Orada nəqliyyatın hərəkəti intensivdir. Yol açıq olduğu zaman işləmək mümkün deyil. Nə qədər imkan oldusa, indiyə qədər yolu açıq saxlayıb, işlər görmüşük. Son mərhələ isə asfalt örtüyünün yenilənməsidir. Artıq bu işlər aparılan zaman yolu açıq saxlamaq çətindir. Ona görə də hazırda “Metropark”ın qarşısında keçən hissədə avtomobil yolunu bağlamışıq. Orada eyni zamanda yol dar olduğu üçün açıq olması mümkün deyil. Həmin ərazidə avtomobillərin hərəkətinin bərpası yaxın 2-3 gün ərzində mümkün olacaq. Digər hissələrdə isə təmir zamanı yol tamamilə bağlanmayacaq. Çünki digər yollar genişdir və bu səbəbdən də yolun yalnız bir hissəsi bağlanacaq, təmir işləri görüləcək. Yolun digər hissəsində isə ikitərəfli istiqamət təmin olunacaq. Daha sonra təmir edilən hissə açılacaq, yolun digər hissəsi bağlanacaq. Yəni hərəkət yalnız tam şəkildə “Metropark”ın qarşısında bağlanıb”.

A.Nəcəfli bildirib ki, "Təbriz” küçəsinin uzunluğu 3.5 km, hərəkət hissəsinin eni isə ortalama 16 metr təşkil edir: “2 gediş, 2 gəliş olmaqla 4 hərəkət zolaqlı küçə 1 metr enində ayrıcı zolaqla bölünür. Küçəni uzun müddət təmir olunmaması, yolun hərəkət hissəsində çökmələrə və deformasiyalara gətirib çıxarmışdı. Bu isə intensiv hərəkətə maneə yaradırdı. Küçənin əsaslı şəkildə yenidən qurulması işləri yeraltı kommunikasiya xətlərinin çəkilişi ilə məşğul olan qurumlarla birgə aparılır. Belə ki, istismar müddəti bitmiş su və qaz xətləri yenidən çəkilir, zəruri olan yerlərdə yolun hərəkət hissəsindən kənara çıxarılır. Birgə aparılan işlər gələcəkdə yolun tez bir zamanda sıradan çıxmasının qarşısını almış olacaq”.

Məqalədə : Metropark 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Sürücünün təhqir etdiyi polis işdən çıxarıldı

20

Sentyabr
16:35
HÜQUQ,HADİSƏ
386

Günün qarşılaşmaları TV AFİŞA

20

Sentyabr
15:57
İDMAN
312

Bu il 150 milyondan çox sərnişin daşınıb

20

Sentyabr
15:56
NƏQLİYYAT
234

ABŞ kubalı diplomatları ölkədən qovur

20

Sentyabr
14:54
DÜNYA
229

Yol polisi ilə sürücü əlbəyaxa oldular - VİDEO

20

Sentyabr
14:15
HÜQUQ,HADİSƏ
476

"Huawei Mate 30"smartfonu nümayiş olunub - VİDEO

20

Sentyabr
12:39
MARAQLIDIR
404

Naxçıvanda KİVDF yaradıldı

20

Sentyabr
12:25
ÖLKƏ
332

Şəmkirdə ağır yol qəzası baş verib

20

Sentyabr
12:12
HÜQUQ,HADİSƏ
258
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-09-2019 09:27



  (+994 55) 786-96-84

  [email protected]

Valyuta.com

Рейтинг@Mail.ru