Xəbər Lenti

İnfoqrafika

Arxiv

Yazar

02 Mart

2018
12:09
`Polislər məndən çaypulu istəyirlər` - VİDEO

Zibilliyə atılan salofanlar, şüşə qablar, kitab-dəftərlər onun üçün çörək mənbəyidir. Zibil qablarından asılan quru çörəklər də ona pul qazandırır. Bir kilosunu 10 qəpikdən satır.

“Bundan (əlindəki səbəti göstərir) nə qədər yığasan ki, biri heç 100 qram gəlmir. Nə qədər yığasan ki, 5 manat pul olsun. Bu arabaya da o qədər şey getmir. Lambir 40 qəpikdir. Onu da tullamırlar. Maşının arxasına yığıb özləri təhvil verir ki, benzin puludur, 5- 3 manat artıq qazansınlar. Dəftər-kitabın kilosu 5-6 qəpikdir. Nə qədər yığasan ki, 5-3 manat pul qazanasan”- Məmməd Əzizov deyir.

Məmməd Əzizov deyir ki, 12-13 yaşından zibilliyi saf-çürük edir. Rayonda yaşayan atasına, qohumlarına pul göndərir, özü də gecəsi 2 manat olan kirayə evlərdə gecələyir. Səhər tezdən işə başlayır. Doğum şəhadətnaməsi, şəxsiyyət vəsiqəsi yoxdur deyə nə məktəb oxuyub, nə iş tapa bilir. Sənədlərini düzəltmək istəyəndə də deyir, rüşvət istəyirlər.

“Üstündən iyi gələndə, öz-özünə nifrət edirsən ki, bu nədir?! Kimsə gətirib tökür, sən də yığırsan. Bir nəfər gəlib yanından keçəndə üff eləyir, amma xəbəri yoxdur əziyyət çəkib gəlmisən. “Nə pis iy gəlir bundan?” deyirlər. İy gələr də, zibil eşirəm”.

Gecə qarşısına çıxan polislər onu dilənçi sanır. İndiyə qədər həbs olunduğu günlərin sayını itirib. Deyir, azadlığından savayı polislər onun qazancını da əlindən alırlar.

“Halal pulumuzu qazanırıq, ona da imkan vermirlər. Polis əməkdaşları harada tutsalar, incidirlər. 5-3 manat pul istəyirlər. Araba ilə fırlanırıq, çaypulu istəyirlər. İmkan vermirlər ki, yaşamağa”.

“Mənimki həyat deyil”- deyir. Şikayətlərini demək üçün də ünvan tapmır.

“Mən prezidentə nifrət edirəm. Allaha and olsun, mən şəxsən nifrət edirəm. Elə prezident olunca olmamağı yaxşıdır. Camaatın balalarını bədbəxt edirlər. Ayağa qalxanı vurub şikəst eləyirlər. Nə qədər uşaqları tutdular. Haqlı söz deyəndə tutub adamı içəri basırlar”.

O da əli-ayağı təmiz işə gedib qayıtmaq istəyir. Amma hələ ki, bu onun üçün əlçatmaz arzudur.(Meydantv)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti cüzi bahalaşıb

10

Aprel
11:16
İQTİSADİYYAT
485

DYP sürücülərə müraciət edib

10

Aprel
10:40
NƏQLİYYAT
516

Son sutkada nə qədər adam yoluxub?

09

Aprel
16:40
ÖLKƏ
542

Tank bölmələri döyüş atışları icra edib - VİDEO

09

Aprel
16:07
BÖLMƏNİ DÜZ SEÇ!
487

Ramazan ayı ilə bağlı fətva verildi

09

Aprel
15:23
ÖLKƏ
648

Belarusda neft tapılıb

09

Aprel
14:31
DÜNYA
505

Sabaha olan hava proqnozu açıqlandı

09

Aprel
14:11
ÖLKƏ
606
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-04-2021 13:13





  [email protected]

Valyuta.com

Рейтинг@Mail.ru