Xəbər Lenti

İnfoqrafika

Arxiv

Yazar

28 Fevral

2018
16:13
2013
Cinayətkar dəstənin məhkəməsi başladı

Bu gün Bakı Ağır Cinayətlər Məhkəməsində həbsdə olarkən cinayətkar dəstə yaratmaqda təqsirləndirilən Araz Fərəcov və dəstə üzvləri - Vüqar Musayev, Renad Zahirov, Namiq Babayev, Elməddin Şahbazov, Eltən Əliyev, Xəyyam Qurbanlının cinayət işi üzrə məhkəmə prosesi başlayıb.

Hakim Rasim Sadıxovun sədrliyi ilə keçirilən prosesdə təqsirləndirilən şəxslərə qarşı ittiham aktı elan olunub.

Təqsirləndirilən şəxs A.Fərəcov özünü ittihamlarda təqsirli bilməyib.

Prosesdə ifadə verən dəstə üzvləri özlərini qismən təqsirli biliblər.

Daha sonra A.Fərəcov ittihama münasibət bildirib. O qeyd edib ki, bu işdə heç bir günahı yoxdur və heç kimdən pul tələb etməyib.

İttihama görə, A.Fərəcov Penitensiar Xidmətin 8 saylı cəzaçəkmə müəssisəsində cəza çəkərkən 2016-cı ilin dekabr ayında əvvəldən tanıdığı Vüqar Musayev və digərləri ilə mütəşəkkil dəstə təşkil edərək Bakıda və bölgələrdə yayayış yerlərini talamaq məqsədi ilə oğurluq və quldurluq hadisələri törədiblər. İttihamda qeyd edilib ki, bütün bunları A.Fərəcov koordinasiya edib.

2017-ci ilin aprel ayının 14-də Dövlət Təhlükəsizlik Xidməti (DTX) əməkdaşlarının keçirdiyi əməliyyat zamanı Vüqar Musayev, Renad Zahirov, Namiq Babayev saxlanılıb.

Xatırladaq ki, A.Fərəcov kriminal aləmdə "Kritı Araz" kimi tanınır

Məqalədə : Cinayətkar dəstə 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-06-2018 10:26



  (+994 70) 870-47-49       (+994 55) 786-96-84

  [email protected]

Valyuta.com