Xəbər Lenti

İnfoqrafika

Arxiv

Yazar

22 Fevral

2018
13:32
1191
3 Milli Qəhrəmanın doğum günüdür

22 fevaral Azərbaycanın Milli Qəhrəmanları Tahir Həsənov, Faiq Rəfiyev və Rövşən Hüseynovun doğum günüdür.

Tahir Tofiq oğlu Həsənov 1970-ci il fevralın 22-də Bakı şəhərində doğulmuşdur. Tahir Həsənov kəşfiyyat qrupuna rəhbərlik etmiş, Ağdərə, Başkənd, Meşəli, Çıldıran döyüşlərində iştirak etmiş, qəhrəmanlıqla vuruşmuşdur. O, 1992-ci il sentyabrın 2-də Çıldıran döyüşündə sona qədər vuruşmuş, sonda düşmənə əsir düşməmək üçün qumbara ilə özünü partlatmış və bir neçə düşməni də məhv etmişdir.

Faiq Qəzənfər oğlu Rəfiyev 1955-ci il fevralın 22-də Füzuli rayonunun Sarıcıq kəndində doğulmuşdur. O, Daxili İşlər Nazirliyinin zabiti kimi Axullu, Tuğ, Qaradağlı kəndlərinin müdafiəsində fəal iştirak etmişdir. O, Koçbəy kəndini ermənilərdən azad edərkən qəhrəmanlıqla vuruşmuş və 1992-ci il yanvarın 10-da həlak olmuşdur.

Rövşən Şəmil oğlu Hüseynov 1967-ci il fevralın 22-də Ağdam rayonunun Quzanlı kəndində doğulmuşdur. Onun təşəbbüsü ilə 1992-ci ildə Bakı Dövlət Universitetinin tələbələri dəstə düzəltdilər və cəbhəyə yola düşdülər. Rövşənin komandiri olduğu tələbə tağımı Goranboy rayonu ərazisində Holandağ yüksəkliyi, Ergəc, Mənəşli, Buzluq döyüşlərində qəhrəmanlıq göstərdi. O, 1992-ci il mayın 11-də Marquşevan uğrunda gedən döyüşdə qəhrəmancasına həlak oldu.

Məqalədə : Milli Qəhrəman 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-05-2018 04:50

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com



Рейтинг@Mail.ru

DMCA.com Protection Status