İranda  Aseman  Airlines aviakompaniyasına məxsus  ATR 72-500 təyyarəsi qəzaya uğrayıb. Təyyarənin göyərtəsində 66 nəfər olub. FaktXeber.com-un məlumatına görə, bu barədə Tasnim xəbər yayıb.

Bildirilir ki, qəza  İsfahan əyalətinin Semir şəhəri yaxınlığında baş verib. Təyyarə uçuşdan təqribən 50 dəqiqə sonra radarlardan itib.

Layner  Tehrandan  Yasuc şəhərinə reys edirdi. Mənzil başına 25 qalmış Dena  dağlıq məssivinə çırpılıb.

Bildirilir ki, təyyarənin  qəzaya uğradığı ərazidə güclü duman var. Bu da helikopterlərə axtarış işlərində maneə törədir. Bundan başqa  əlverişsiz hava şəraiti – leysan yağış və güclü külək də əlavə çətinlik yaradır.

Weather conditions at Mount Dena, impossible to help.#EP3704 #ATR72 #plane_crash #Aseman_Airlines pic.twitter.com/NUWX2mXI83

— Mohsen (@MohsenApply) 18 февраля 2018 г.

İran prezidenti  Həsən Ruhani  qurbanların ailələrinə və yaxınlarına başsağlığı verib, həmçinin faciənin səbəblərinin araşdırılması üçün Yol və Şəhər  İnkişafı Nazirliyinə İran Mülki  Aviasiya Təşkilatı ilə birlikdə xüsusi komissiya yaratmaq barədə göstəriş verib.

Azərbaycan prezidenti İlham Əliyev İranda sərnişin təyyarəsinin qəzaya uğraması nəticəsində çoxsaylı insan tələfatı xəbəri olduqca kədərləndiyini bildirib, faciə ilə bağlı iranlı həmkarı Həsən Ruhaniyə, həlak olanların ailələrinə, yaxınlarına, bütün İran xalqına öz adından və Azərbaycan xalqı adından dərin hüznlə başsağlığı verib.