Xəbər Lenti

İnfoqrafika

Arxiv

Yazar

14 Fevral

2018
10:57
`Gəncəbank`ın vəzifəli şəxsləri məsuliyyətə cəlb edilib

Ötən il Prezident Administrasiyasına daxil olmuş müraciətlərin bir qismi bank məsələləri və kreditlərin verilməsi ilə bağlı olub.

Bu barədə Prezident Administrasiyasının (PA) sənədlərlə və vətəndaşların müraciətləri ilə iş şöbəsinin müdiri Süleyman İsmayılov məlumat verib.

Bununla belə, onun sözlərinə görə, əvvəlki illə müqayisədə bu mövzuda müraciətlər azalıb: “Bəzi banklarda kreditlərin ödənilməsi ilə yanaşı, əmanətlərin verilməsində də müəyyən problemlər yaranıb. Fəaliyyətindən şikayət edilən bankların bəziləri artıq bağlanıb, respublikanın bank sistemində problem doğuran səbəbləri müvafiq qurumlar tənzimlənməyə başlayıb”.

PA rəsmisi həmçinin deyib ki, bank işçilərinin fəaliyyəti ilə əlaqədar daxil olmuş müraciətlər və digər materiallar əsasında Baş prokuror yanında Korrupsiyaya Qarşı Mübarizə Baş İdarəsi banklar haqqında 25 cinayət işi açıb: “Açılmış cinayət işlərinin təhqiqatının başa çatdırılması nəticəsində ayrı-ayrı bankların vəzifəli şəxslərinin yol verdikləri qanunsuzluq və mənimsəmə halları qismən aradan qaldırılıb, dövlətə və vətəndaşlara dəyən böyük məbləğdə zərərin xeyli hissəsinin ödənilməsi və qaytarılması təmin edilib. Məsələn, “Gəncə Bank”ın vəzifəli şəxsləri məsuliyyətə cəlb edilərək, onların vurduğu 14 mln. manatdan artıq maddi ziyanın 421 min manatdan çoxunun ödənilməsi təmin edilmiş, həmin şəxslərin onların ümumi dəyəri 13 mln. manatdan çox olan əmlakı üzərində həbs qoyulub. Bundan başqa, “Bank Standard” QSC üzrə başlanmış cinayət işinin yekununda 70 mln. manatdan çox dövlət borcunun ödənilməsi təmin edilib”. 

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : "Gəncəbank" 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-11-2018 13:09



  (+994 55) 786-96-84

  [email protected]

Valyuta.com