Sorğu

Prezident seçkilərində iştirak edəcəksinizmi?
BƏLİ
XEYR
HƏLƏ QƏRAR VERMƏMİŞƏM

Xəbər Lenti

İnfografika

Arxiv

Yazar

12 Fevral

2018
15:42
410
Fənn olimpiadasının ilk mərhələsinin nəticəsi açıqlanıb

Təhsil Nazirliyi tərəfindən ölkənin bütün şəhər və rayonlarında keçirilən fənn olimpiadalarının birinci–rayon (şəhər) mərhələsinin nəticələri məlum olub.

Nazirlikdən FaktXəbər-ə bildiriblər ki, şagirdlər öz nəticələri barədə məlumatı aidiyyəti təhsil şöbələrindən (idarələrindən) və olimpiada.edu.az saytından əldə edə bilərlər.

Fənn olimpiadalarının respublika mərhələsinin yarımfinal turunda 5 min 751 nəfərə yaxın şagird iştirak edəcək. Respublika mərhələsinin yarımfinal turuna, rayon (şəhər) mərhələsində 60-dan yuxarı bal toplayan bütün şagirdlər, həmçinin müvafiq fənn və sinif üzrə iştirakçıların ən yaxşı nəticə göstərmiş 15 faizi dəvət edilir. İnformatika fənni üzrə nəticələr bu ilin fevralın 14-dək elan ediləcək.

Olimpiadanın növbəti mərhələsinin aprel ayında keçirilməsi planlaşdırılır.

Qeyd edək ki, fevralın 4-də ölkənin bütün şəhər və rayonlarında respublika üzrə fənn olimpiadalarının birinci–rayon (şəhər) mərhələsi keçirilib. Fənn olimpiadaları Azərbaycan dili və ədəbiyyat, riyaziyyat, fizika, kimya, biologiya, informatika, coğrafiya və tarix olmaqla səkkiz fənn üzrə IX, X və XI sinif şagirdlərinin iştirakı ilə keçirilib. Bu mötəbər yarışda xüsusi istedadı və hazırlığı ilə seçilən 7-8-ci sinif şagirdləri də öz bilik və bacarıqlarını nümayiş etdiriblər. Olimpiadaların təşkil edilməsində məqsəd istedadlı uşaqların aşkarlanması, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.

Məqalədə : Fənn olimpiadası 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-02-2018 06:54

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru