Xəbər Lenti

İnfoqrafika

Arxiv

Yazar

11 Fevral

2018
00:00
`Qarabağ` `Qəbələ` ilə qolsuz heç-heçə etdi

Bu gün futbol üzrə Azərbaycan Premyer Liqasında mövsümün ikinci yarısına start verilib. Qış fasiləsindən sonra XV turun oyunları keçirilir. Turun mərkəzi matçı Bakıda oynanılıb. “Azərsun Arena”da turnir cədvəlinin iki lideri - “Qarabağ” və “Qəbələ” komandaları üz-üzə gəliblər.

FaktXəbər-in məlumatına görə, baş hakim İnqilab Məmmədov idarə etdiyi görüşdə hesab açılmayıb.

Ağdam komandasının üstünlüyü şəraitində keçən görüşün ilk hissəsində “Qarabağ”ın futbolçuları Dani Kintana, Mahir Mədətov, Pedro Enrike yaranmış qol imkanlarından yararlana bilməyiblər.

Qarşılıqlı hücumlar şəraitində keçən oyunun ikinci hissəsində də hər iki komandanın cəhdlərinə baxmayaraq hesab açılmayıb. Oyuna əlavə edilmiş dəqiqələrdə Dani Kintana komandasını hesabda irəli çıxarmaq imkanını əldən verib. Belə ki, onun uzaqdan vurduğu zərbəni “Qəbələ”nin qapıçısı Dmitri Bezotosnı dəf edib.

Beləliklə, çempionatın qızıl medalları uğrunda mübarizə aparan “Qarabağ” və “Qəbələ” komandaları arasında görüş 0:0 hesabı ilə başa çatıb.

Bu görüşdən sonra xallarının sayını 38-ə çatdıran “Qarabağ” ən yaxın izləyicisi “Qəbələ” ilə 6 xallıq fərqi qoruyub.

Qeyd edək ki, “Qəbələ” və “Qarabağ” indiyədək 46 dəfə qarşılaşıb. Bu oyunların 18-i Ağdam komandasının, 11-i isə qəbələlilərin qələbəsi ilə yekunlaşıb, 16 matç heç-heçə nəticələnib.

XV tur çərçivəsində bu gün keçirilən “Zirə”-“Sumqayıt” oyununda da qalib müəyyənləşməyib - 1:1.

Hazırda turnir cədvəlinə 38 xalla “Qarabağ” komandası başçılıq edir. “Qəbələ” 32 xalla ikinci, “Zirə” 31 xalla üçüncü, “Sumqayıt” 21 xalla dördüncü, “Neftçi” 16 xalla beşinci yeri tutur. Sonrakı yerlərdə “Səbail” (13 xal), “Keşlə” (8 xal) və “Kəpəz” (7 xal) qərarlaşıb.

Tura fevralın 11-də yekun vurulacaq. Həmin gün “İnter Arena”da “Keşlə” komandası “Səbail”i, “Bakcell Arena”da isə “Neftçi” klubu “Kəpəz”i qəbul edəcək.

Azərbaycan Premyer Liqası

XV tur

10 fevral (şənbə)

16:00. "Zirə” – "Sumqayıt” 1:1

Qollar: Vüsal İsgəndərli, 39 - Tural Axundov, 35

Hakimlər: Əliyar Ağayev, Rza Məmmədov, Zeynal Zeynalov, Orxan Məmmədov

AFFA nümayəndəsi: Nüvər Xasıyev

Hakim-inspektor: Rövşən Əhmədov

Zirə İdman Kompleksinin stadionu

19:00. "Qarabağ” – "Qəbələ” 0:0

Hakimlər: İnqilab Məmmədov, Yaşar Abbasov, Namiq Hüseynov, Rəvan Həmzəzadə

AFFA nümayəndəsi: Erkin Hüseynov

Hakim-inspektor: Məlik Həsənov

"Azersun Arena”

11 fevral (bazar)

15:00. "Keşlə” – "Səbail”

Hakimlər: Ramil Diniyev, Mübariz Haşımov, Rahil Ramazanov, Elvin Əsgərov

AFFA nümayəndəsi: Seymur Səlimli

Hakim-inspektor: Fazil Mürşüdov

"İnter Arena”

17:30. "Neftçi” – "Kəpəz”

Hakimlər: Rəhim Həsənov, Akif Əmirəli, Vüqar Bayramov, Rəşad Əhmədov

AFFA nümayəndəsi: Zamiq Hüseynov

Hakim-inspektor: Kərim Ağayev

"Bakcell Arena”

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Qarabağ Qəbələ 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-10-2018 12:05



  (+994 70) 870-47-49       (+994 55) 786-96-84

  [email protected]

Valyuta.com