Gəncədə pulsuz cərrahiyyə əməliyyatları keçiriləcək

Xəbər Lenti

İnfoqrafika

Arxiv

Yazar

06 Fevral

2018
08:12
2136
Gəncədə pulsuz cərrahiyyə əməliyyatları keçiriləcək

Milli Onkologiya Mərkəzinin cərrah-onkoloqu, tibb elmləri doktoru, professor Əziz Əliyev tərəfindən Gəncədə şəhər və ətraf rayonlardan olan onkoloji xəstələr üçün pulsuz cərrahiyyə əməliyyatları keçiriləcək.

Bu barədə Milli Onkologiya Mərkəzinin baş həkimi, professor Azad Kərimov məlumat verib.

Son illərdə Gəncə şəhərində istifadəyə verilən Mərkəzi Klinik Xəstəxana, Diaqnostika Mərkəzi və Beynəlxalq Xəstəxananın bütün bölgəyə ən müasir səviyyədə tibbi xidmətlər göstərdiyini deyən Azad Kərimov qeyd edib ki, həmin müalicə mərkəzlərində müasir tibbi avadanlıqların və savadlı həkim kadrların olması müxtəlif cərrahiyyə əməliyyatlarını keçirməyə imkan verir.

“Aprel ayında Milli Onkologiya Mərkəzi tərəfindən Gəncəbasar bölgəsində çalışan həkimlər üçün bir günlük elmi-praktik konfrans keçiriləcək. Konfransdan sonra Gəncəbasar bölgəsinin sakinləri üçün pulsuz tibbi müayinə təşkil ediləcək. Həkimlərin rəyinə əsasən zəruri ehtiyacı olan onkoloji xəstələrin Gəncə şəhərində cərrahiyyə əməliyyatı həyata keçiriləcək”, – deyə Azad Kərimov bildirib./Azərtac

Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-08-2018 09:12



  (+994 70) 870-47-49       (+994 55) 786-96-84

  [email protected]

Valyuta.com