Ermənistan ordusu 2010-2017-ci illər ərzində 531 itki verib. FaktXəbər-in verdiyi məlumata görə, bu barədə Ermənistanın “Sülh dialoqu” ictimai təşkilatı hesabat hazırlayıb.

Hesabatda qeyd olunur ki, 7 il ərzində itkilərin 235-i döyüş şəraitində baş verib. Bundan başqa 296 hərbçi qətl, intihar, ehtiyatsız hərəkətlərə görə baş verən bədbəxt hadisələr və yararsız olanların orduya çağırılması kimi hallar səbəbindən ölüb.

Statistikaya əsasən, qeyri-döyüş şəraitində qeydə alınan ölümlərin 56-sı qətl, 69-u intihar, 90-ı bədbəxt hadisə, 39-u sağlamlıq, 16-ı təhlükəsizlik qaydalarının pozulması, 9-u isə yuxarıların səhlənkarlığı ucbatından baş verib.