Xəbər Lenti

İnfoqrafika

Arxiv

Yazar

11 Yanvar

2018
15:05
2456
Büdcə kəsiri rekord həddədir - İqtisadçı ekspert

“2017-ci il son 15 ildə ən yüksək büdcə defisitinin qeydə alındığı maliyyə ili olub”

Azərbaycanın 2017-ci ilin dövlət büdcəsinin gəlirləri və xərcləri təsdiq edilmiş proqnoza qarşı 98 faiz səviyyəsində icra olunub. Rəqəmlərlə ifadədə 16 447 və 17 588 mln. manat təşkil edib.

Bunu maliyyə naziri Samir Şərifov yanvarın 11-də keçirdiyi müşavirədə deyib.

“Büdcə proqnozu ilə nəzərdə tutulan mədaxil mənbələrindən 736 mln. manat az vəsait daxil olmasına baxmayaraq, gömrük daxilolmalarının 16 faiz (359 mln. manat) çox olması, əlavə həcmdə dövlət qısamüddətli istiqrazlarının daxili bazarda satılması və büdcə xərclərinin səmərəliliyinin artırılması hesabına büdcə təşkilatlarının təqdim etdiyi məxaric sifarişləri dövlət büdcəsinin təsdiqlənmiş xərcləri çərçivəsində tam icra olunub”, - nazir bildirib.

S.Şərifov dövlət büdcəsinin kəsirinin təsdiqlənmiş yuxarı həddən 34 mln. manat az olduğunu da deyib:

“İcmal büdcənin icrasında əldə edilmiş müsbət dinamika xüsusilə qeyd olunmalıdır. Belə ki, təsdiqlənmiş icmal büdcənin kəsiri 7,6 mlrd. manat və ya ÜDM-in 11,1 faizi səviyyəsində proqnozlaşdırılırdısa, ilin nəticələrinə əsasən, həmin kəsir ÜDM-in 1,5 faizədək daralaraq 1 mlrd. manat təşkil edib”.

İqtisadçı Rövşən Ağayev isə deyir ki, yeni büdcə kəsiri rekordu köhnəni 3 dəfə üstələyib. İqtisadçının sözlərinə görə, büdcənin gəlirləri təsdiq olunandan 319 mln. manat, xərcləri 353 mln. manat, defisiti 34 mln. az icra olunub:

“Əsas diqqətçəkən rəqəm budur ki, 2017-ci il son 15 ildə ən yüksək büdcə defisitinin qeydə alındığı maliyyə ili olub. Büdcə kəsirinin məbləği 1.141 mlrd. manat olub”.

İqtisadçı bildirir ki, bundan əvvəl büdcə kəsirinin ən yüksək məbləği 2010-cu ildə qeydə alınıb:

“363 mln. manat. Sonrakı isə 2014-cü ildə olmuşdu - 308 mln.manat. Bu da, o deməkdir ki, ötənilki büdcə kəsiri rekord həddədir. Köhnəni 3 dəfə üstələyib”.

Məqalədə : Büdcə kəsiri 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-07-2018 11:08



  (+994 70) 870-47-49       (+994 55) 786-96-84

  [email protected]

Valyuta.com