ABŞ prezidenti Donald Trampın Qüdsü İsrail rejiminin paytaxtı kimi tanımasından sonra etiraz edən Fələstin xalqını bir qədər də sındırmaq üçün ABŞ hökuməti daha bir addım atıb. ABŞ hökuməti BMT-nin Fələstinli Qaçqınlara Yardım və İşlərin təşkili üzrə Yaxın Şərq Agentliyinin (UNRWA) maliyyələşdirilməsi üçün nəzərdə tutulan 125 milyon dolları dondurub.

FaktXəbər-in RİA Novostiyə istinadən məlumatına görə, bu məbləğ ABŞ-ın UNRWA-ya köçürdüyü illik haqqın üçdə birini təşkil edir. Vaşinqton pulları hələ yanvarın 1-də köçürməli idi. Bu vəsait ABŞ Administrasiyası Fələstinə yardım göstərilməsi haqqında məsələni nəzərdən keçirilməsini yekunlaşdırmayınca, dondurulacaq.

Qeyd edək ki, çərşənbə axşamı da ABŞ prezidenti Donald Tramp İsrail ilə sülh danışıqları aparmaq istəməməsi səbəbindən Fələstinə maliyyə yardımını dayandırmağı təklif edib.