Xəbər Lenti

İnfoqrafika

Arxiv

Yazar

05 Yanvar

2018
17:29
Vəkil Vamiq Şükürov: `Cərimələrin məbləği aşağıdır`
Siqaret istifadəsində məhdudiyyətlərə riayət olunacaqmı?

Xəbər verdiyimiz kimi Azərbaycan Nazirlər Kabineti tütün çəkmək üçün xüsusi ayrılmış yerlərlə bağlı sanitar-gigiyenik normalar və tələblər hazırlayacaq. Bundan sonra qanunla müəyyən edilmiş yerlərdən başqa siqaret çəkənlər cərimələnəcəklər. Bəs görəsən bu qərar öz nəticəsini verəcəkmi və tələblərə hüquqi baxımdan riayət olunacaqmı? FaktXeber.com məsələ ilə bağlı tanınmış vəkil Vamiq Şükürovdan münasibət öyrənib.

Müsahibin sözlərinə görə, qanunda nəzərdə tutulan cərimələr yazılacaqsa və tətbiq olunacaqsa gözlənilən nəticəni verəcək: «Lakin bunun üçün cərimələrin yazılması kifayət deyil. Əvvəla cərimələrin məbləği aşağıdır – 30 manat. Hesab ediərm ki, ən azı 70-100 manata arasında olmalıdır. İkincisi qanunun tətbiqi üçün ciddi nəzarət tədbirləri olmalıdır. Heç olmasa qanunun əvvəlki hüquqi təsdiqi dövründə aiddiyatı qurumların (çox güman ki, DİN olacaq) üzərinə məsuliyyət düşür ki, qanunun tətbiqinin ilk dövründə mütəmadi yoxlamalar keçirilsin, aşkar olunmuş pozuntular aktlaşdırılsın. Çünki Azərbaycanda yüz minlərlə qapalı məkan var. Bu məkanların hər birinə nəzarət etmək kifayət qədər vaxt və ciddiyyət tələb edir. Bunun üçün maliyyə resursları, əməkdaşlar tələb olunacaq. Digər tərəfdən də Milli Məclis tərəfindən sahibkarlıq subyektlərinin  yoxlanılmasının dayandırılması barədə qanun qəbul edilib və 2020-ci ilədək qüvvədədir».

Vəkil bu baxımdan həmin qanunun icrasının şübhələr doğurduğunu  və ideal şəkildə həyata keçirməyin mümkünlüyünə inanmadığını dedi: «Küçələrdə zibillərin atılmasına görə 100 manat cərimə nəzərldə tutulub. Amma indiyə qədər heç kim bu cərimənin yazıldığını görməyib, eşitməyib. Bu baxımdan qanunun tətbiqi şəxsən məndə şübhə doğurur».

Bəs görəsən yeni qanun sahibkarlara necə təsir edəcək?

Vamiq Şükürov qapalı yerlərdə siqaretin çəkilməsinə müəssisədə ancaq qəlyan, tütün üçün nəzərdə tutulduğu təqdirdə izn verildiyini bildirdi: «Bu baxımdan sahibkar əlavə maliyyə yükü olan təmir işlərigörməli, otaqlarda bölgü aparmalıdır».

Xatırladaq ki, Nazirlər Kabineti 3 ay ərzində ərzində tütün məmulatları tullantılarının utilizasiyası qaydasını da müəyyən edəcək. Nazirlər Kabineti əhalinin maarifləndirilməsinin əsas istiqamətləri və üsullarını müəyyən edəcək, bu məqsəd üçün xüsusi “qaynar xətlərin” fəaliyyəti təmin edəcək.

Qeyd edək ki, Prezident İlham Əliyev "Tütün məmulatlarının istifadəsinin məhdudlaşdırılması haqqında" yeni qanunu imzalayıb. Bu qanun əhalinin sağlamlığının qorunması, sağlam həyat tərzinin təbliği, uşaqların və gənclərin sağlam böyüməsi və inkişafı, zərərli vərdişlərə aludəçiliyin profilaktikası, tütün məmulatlarının istifadəsinin və tütün tüstüsünün ətraf mühitə ziyanlı təsirlərinin azaldılması istiqamətində fəaliyyətin hüquqi əsaslarını müəyyən edir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-10-2018 14:21



  (+994 70) 870-47-49       (+994 55) 786-96-84

  [email protected]

Valyuta.com