“Müttəfiqlərimizi düzgün müəyyənləşdirməliyik”

Xəbər Lenti

İnfoqrafika

Arxiv

Yazar

04 Yanvar

2018
12:47
2301
“Müttəfiqlərimizi düzgün müəyyənləşdirməliyik”
Akif Nağı: Qüdsü İsrailin paytaxtı elan edənlər Şuşanı Ermənistanın paytaxtı kimi tanıyacaqlar

QAT sədri Akif Nağı İranda baş verən hadisələrlə bağlı açıqlama verib.

FaktXəbər-in məlumatına görə, QAT sədri bildirib ki, İranda baş verən aksiyalar ciddi təhlükələrdən xəbər verir. Qüdsü İsrailin paytaxtı elan edənlər bu gün İranı dağıtmaq, sabah Türkiyəni çökdürmək istəyirlər. Az sonra Pakistan növbəti qurban ola bilər: “Çünki islam dünyasına olan basqıların qarşısında dayanan bu 3 ölkədir. Onların kifayət qədər gücü var ki, düşmənlərin planlarına mane olsunlar. Onları sıradan çıxardıqdan sonra bütün İslam dünyasını asanlıqla diz çökdürəcəklər. Azərbaycan kimi kiçik ölkələr isə ayaq altında qalacaqlar. Kim düşünürsə ki, İranı dağıdıb, onun yerində Azərbaycan dövləti yaradacaqlar, çox böyük yanlışlığa yol verir. İranı dağıda bilsələr, orda Misir, İraq, Liviya, Suriyaya oxşar bir şey yaradacaqlar, əmin ola bilərsiniz. Ona görə də, İranda kimlərinsə fitvası ilə küçələrə çıxanlar bunu fikirləşsinlər, başqalarının əlində oyuncağa çevrilməsinlər. Azərbaycan, İran, Türkiyə, Pakistan bir yerdə olmalı, hamı da bu birliyi təbliğ etməlidir. Suriya böhranı zamanı biz Türkiyə və İranın bir mövqedən çıxış etməsini təbliğ edirdik. Hətta bir dəfə İstanbulda konfransda bu mövqedən çıxış etdim, az qaldılar məni düşmən elan edələr. Amma sonradan Türkiyə və İran bir movqedən çıxış edib, Suriyanı xilas etdilər. Suriya ayaq üstə qaldı, İran və Türkiyənin gücünü görən Rusiya onların yanında yer aldı, ABŞ da onların gücü ilə hesablaşmalı oldu. Eyni mənzərəni İraqla bağlı da gördük, kürdləri qaldırıb İraqı məhv etmək istəyirdilər, İranla Türkiyənin eyni mövqedən çıxış etməsi vəziyyəti tam dəyişdi. Bu gün İran təhlükə ilə üz-üzədir. İranı özümüzü qoruduğumuz kimi qorumalıyıq. İndi elə hərəkət etməliyik ki, sonra peşman olmayaq. Bu gün Qüdsü İsrailin paytaxtı elan edənlər sabah Şuşanı Ermənistanın paytaxtı kimi tanıyacaqlar. İnanmırsınız? Misirin, Liviyanın, Suriyanın küçələrinə çıxıb aləmi viran qoyanların da ağlına gəlmirdi ki, nə vaxtsa Qüdsü o cür elan edəcəklər. Ona görə də inanın. Bu ssenariləri pozmaq üçün bir yerdə olmalıyıq. Maraqlarımızı , müttəfiqlərimizi düzgün müəyyənləşdirməliyik”.

Məqalədə : Akif Nağı 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-08-2018 11:21



  (+994 70) 870-47-49       (+994 55) 786-96-84

  [email protected]

Valyuta.com