Xəbər Lenti

İnfoqrafika

Arxiv

Yazar

21 Dekabr

2017
11:53
Yol Polisi məktəblilərin valideyinlərinə müraciət etdi

Azərbaycanda avtomobillərin sayı günü-gündən artır. Bu artım daha çox paytaxt Bakının payına düşür. Avtomobillərin artması həm də bəzi problemləri önə çıxarır. Xüsusən günün bəzi pik saatlarında avtomobillərin hərəkətində sıxlıq müşahidə edilir. Sıxlığı yaradan səbəblərdən biri də valideynlərin uşaqlarını təhsil müəssisənə avtomobillə gətirib-aparmalarıdır. Hər valideynin təhsil müəssisənin qarşısında ən azı 1 dəqiqə dayanması tıxacların yaranmasına səbəb olur.

Bunun qarşısını almaq üçün hansı tədbirlər görülməsldir? Valideynlərin uşaqlarını təhsil müəssisəsinə gətirməsinə qadağa qoyula bilərmi? 

Məsələ ilə bağlı Modern.az-a danışan Bakı şəhər Dövlət Yol Polis İdarəsinin bölmə rəisi, polis polkovniki Vaqif Əsədovun sözlərinə görə, valideynlərin uşaqlarını təhsil müəssisəsinə avtomobillə gətirməsinə hər hansı bir qadağa qoymaq olmaz.

“Amma avtomobili olanlar maşını olmayanları düşünməlidirlər. Yol polisi əməkdaşları hər gün təhsil müəssisələri və onların yerləşdiyi ərazilərə bitişik yollarda xidmət apararkən uşaqlarını avtomobillə dərsə gətirib-aparan valideynlərin sıxlıq yaratmalarına şahid olur. Valideynlərin uşaqlarını təhsil müəssisəsinə gətirməsi təbii haldır. Sadəcə, “Yol hərəkəti haqqında” qanunun tələblərini pozmasalar, hərəkətə mane olmasalar, problem yaranmaz. Sürücü valideynlərin qayda pozuntularına görə digər hərəkət iştirakçıları da çətinlik çəkir. Avtomobili olan valideynlər nəzərə almalıdır ki, onlar kimi başqaları da uşaqlarını məktəbə gətirir. Təhsil müəssisəsinin yerləşdiyi ərazilərdə və onlara bitişik yerlərdə yol polisi əməkdaşları olmasa, tıxaclar yaranar”.

Vaqif Əsədovun sözlərinə görə, “bir dəqiqəyə çıxıram”, “uşağı düşürüb gedirəm” deyən valideynlər düşünməlidir ki, onların hərəkət hissəsində cəmi 15 saniyə gecikməsi yollarda ləngimələrə səbəb olur. 

“Bütün təhsil müəssisələrinin qarşısında dayanma-durma qaydasını pozan sürücülər həm müşahidə kameraları, həm də ərazidə olan əməkdaşlarımız tərəfindən aşkarlanaraq, inzibati məsuliyyətə cəlb edilirlər. Valideynlərdən xahişimiz odur ki, həm uşaqlarının təhlükəsizliyi, həmdə sıxlığın yaranmaması üçün qaydalara riayət etsinlər. İkizolaqlı, bir istiqamətli yollarda bir nəqliyyat vasitəsinin 25 saniyə dayanması 60 nəqliyyat vasitəsinin 5 dəqiqə ləngiməsinə səbəb olur”.

Məqalədə : Yol  
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
47209

Növbəti buraxılış imtahanları başlayıb

25

İyun
10:59
ELM / TƏHSİL
45440

AMB-nin valyuta məzənnələri

23

İyun
10:11
İQTİSADİYYAT
47030

Nefti qiyməti bahalaşmağa başlayıb

23

İyun
09:30
İQTİSADİYYAT
46620

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
52191

QMİ yaslarla bağlı xəbərdarlıq etdi

19

İyun
18:10
ÖLKƏ
46317

İyunun 22-də dolların manata qarşı məzənnəsi

19

İyun
17:55
İQTİSADİYYAT
46741
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-10-2020 01:26





  [email protected]

Valyuta.com

Рейтинг@Mail.ru