Xəbər Lenti

İnfoqrafika

Arxiv

Yazar

11 Dekabr

2017
16:13
Metro çıxışlarında qurulan çadırlar kimlərindir?

Yeni il münasibətilə metronun “Neftçilər”, “Koroğlu”, “Gənclik”, “İnşaatçılar, “Nəriman Nərimanov”, “28 May”, “Elmlər Akademiyası” stansiyalarının yaxınlığında bayram çadırları qurulub.

Bu barədə məlumat verən Bakı Şəhər İcra Hakimiyyətinin (BŞİH) Ticarət və Xidmət Departamentinin rəhbəri Əliabbas Bağırov deyib ki, Bakı Şəhər İcra Hakimiyyətinin Kollegiyasının qərarı ilə metro stansiyalarının giriş-çıxışına yaxın 10-a qədər ərazidə çadırlar qurulub:

“Bayram çadırlarının sayının artırılması nəzərdə tutulub. Çadırlarda bayram üçün ləvazimatlar, oyuncaqlar, suvenirlər, şam ağacları və s. satılır. Yarmarka 2018-ci il yanvarın 1-də qədər davam edəcək. 4 yanvarda çadırlar söküləcək”.

Qurum rəsmisi bildirib ki, digər yerlərə nisbətən bayram yarmarkalarında satılan mallar alıcılar üçün əlverişli qiymətə təklif edilir:

“Bizim də əsas məqsədimiz vətəndaşların məmnunluğudur. Həm qiymətlər münasibdir, həm də insanlar istədiyi bir çox çeşiddə malı eyni yerdən ala bilir. Çalışırıq ki, küçələrdə, vətəndaşların gediş-gəlişinə mane olacaq yerlərdə satışlar təşkil edilməsin”.

Ə.Bağırov bildirib ki, yarmarkaların təşkil edilməsi iki ildir davam edir:

“Bu müddət ərzində əhalinin narazılığını eşitməmişik. Əksinə, həm qiymətlərdən, həm də metro stansiyalarına yaxın yerlərdə olduğu üçün yerlərdən razılıq edirlər. Bu il bayram çadırlarının qurulması məhz vətəndaşların ötən ilki münasibətinə görədir”.(Modern.az)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : yarmarkaları 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


13-12-2018 22:00



  (+994 55) 786-96-84

  [email protected]

Valyuta.com